YALIYOJIRI Ziara ya kikazi ya Mkuu wa Wilaya kata ya Upolo

Posted on: August 16th, 2023

MKuu wa Wilaya ya Nyasa Mh Filberto Sanga tarehe 16/08/2023 amefanya Ziara ya kikazi katika kata ya Upolo Tarafa ya Mpepo Wilayani Nyasa.

Lengo la Ziara hiyo ni kushiriki katika shughuli za Ujenzi wa shule mpya ya Sekondari ya Upolo ambayo Serikali imetoa TSH milioni 560.5 Kwa ajili ya utekelezaji wa mradi huo ambao unajengwa katika Kijiji Cha Lumalu.

MH.Sanga amewasili katika eneo la Ujenzi saa 4 dk 10 asubuhi akipokelewa na viongozi wa Kata ya Upolo na wananchi.

Akiwa eneo la Ujenzi ameshiriki shughuli mbalimbali za kusafisha eneo la Ujenzi,kuhakiki vipimo vya msingi wa majengo ya madarasa, Utawala na kuzungumza na wananchi.

Akizungumza na wananchi amewapongeza wananchi wa Kata ya Upolo Kwa kushiriki kikamilifu shughuli za kijamii hasa za utekelezaji wa miradi mbalimbali ya Maendeleo.

Amewataka wananchi washiriki kikamilifu shughuli za Ujenzi wa mradi huo na kuwataka Kuwa walinzi wa Mali zote zilizopo eneo la Ujenzi.

Kwa upande wa wananchi wameipongeza Serikali Kwa kutatua changamoto ya ukosefu wa Sekondari katika kata ya Upolo.

Diwani wa Kata hiyo akizungumza Kwa niaba ya wananchi amesema anawapongeza viongozi wa Wilaya ya Nyasa Kwa kutatua changamoto mbalimbali katika kata hiyo hasa Ujenzi wa shule mpya ya Sekondari katika kata yake Kwa kuwa awali wanafunzi walikuwa wanasoma katika Shule ya Tingi na Kingerikiti na kutembea umbali mrefu.

Amesema atawahamasisha wananchi kufanya kazi Kwa juhudi na wanafunzi wasome Kwa bidii.