YALIYOJIRI Ziara ya Naibu Waziri Maliasili Nyasa

Posted on: July 28th, 2021

Naibu Waziri wa Wizara ya Maliasili na Utalii  Mh. Mary Masanja,(Mb) yuko wilayani Nyasa  kwa Ziara ya kikazi ya Siku Mbili.

Ameanza Ziara yake jana kwa kutembelea Kata ya Liparamba na Kata ya Mpepo, akiwa Katika Kata ya Liparamba Wilayani Nyasa amefanya, Mkutano wa Hadhara katika Kijiji cha Mseto wenye lengo la kutatua changamoto ya Mipaka ya Poli la Akiba la Liparamba na Wananchi wa Kijiji cha Mseto Wilayani hapa.

Naibu waziri Masanja, amewataka wananchi wa Kata ya Liparamba Kutunza Mipaka ya Poli la akiba la Liparamba kwa kuwa ni urithi wa Vizazi Vijavyo, kwa kuwa lengo la Wizara ya Maliasili na Utalii kuhifadhi mazingira ni kuhakikisha wananchi wanakuwa na huduma mbalimbali kama vile kutunza vyanzo vya maji safi na salama, na miti pia huleta mvua  pamoja na uwepo wa hewa na wanyama ambao ni urithi wa Vizazi Vijavyo.

Aidha katika Kuhakikisha changamoto ya Mipaka inaisha amesema ataunda tume maalum itakayowashirikisha wananchi na kwa ajili ya kuhakiki mipaka upya.

Ametoa wito kwa wananchi wa kata ya Liparamba kulitunza pori hilo kwa kuwa ni urithi wa Vizazi vijavyo.

Katika Kata ya Mpepo Naibu waziri huyo Alitembelea Shamba la miti Mpepo ambalo lina Hekta 3905 linalosimamiwa na Wakala wa Huduma za Misitu Tanzania ,amewapongeza wakala wa misitu kwa kuwa na shamba zuri na kwapongeza wananchi waliopanda miti na kuwataka wananchi waendlee kupanda miti kwa kuwa mbegu wanapata bure ili waweze kuongeza kipato cha kaya na Halmashauri kwa ujumla.