YALIYOJIRI, Wilaya ya Nyasa ikiwasilisha Utekelezaji wa Ilani ya CCM,Halmashauri Kuu (CCM) Wilaya ya Nyasa.

Posted on: September 12th, 2022

Yaliyojiri Wilaya ya Nyasa Ikiwasilisha utekelezaji wa Ilani ya CCM 2021/2022 kwa kamati ya siasa Wilaya ya Nyasa.

 Wilaya ya Nyasa Tarehe 12.09.2022, imewasilisha Utekelezaji wa Ilani ya Chama Cha Mapinduzi (CCM) kwa mwaka wa fedha 2021/2022 kwa Halmashauri kuu ya Chama cha mapinduzi (CCM) Wilaya ya Nyasa, katika Ukumbi wa Chuo cha Ufundi Stadi Veta Wilayani Nyasa.

Mgeni Rasmi katika Kikao hiki ni Mwenyekiti wa CCM Mkoa wa Ruvuma Oddo Mwisho,ameipongeza Wilaya ya Nyasa kwa utekelezaji wa Ilani ya CCM vizuri, kwa kuwa amekuwa akitembelea miradi yote inayotekelezwa na Serikali na kuridhishwa nayo.

Ameitaka kamati ya Siasa kutosubiri vikao na kuhakikisha kuwa Miradi yote inayotekelezwa katika maeneo yao aliewataka wananchi kushirikiana na wataalam ili kujiletea maendeleo.Aidha amewataka wana CCM kushikamana kwa kujitegemea kwa kulipa michango ya uanachama.

Akiwasilisha utekelezaji wa  Ilani ya CCM Wilaya ya Nyasa, Mkuu wa Wilaya ya Nyasa Aziza Mangosongo amesema Wilaya ya Nyasa imetekeleza Ilani ya Chama cha Mapinduzi kwa mafanikio makubwa ,Miradi na akaitaja baadhi ya miradi ya kujivunia katika Halmashauri ya Nyasa ni Chuo cha ufundi stadi VETA,Sekta ya Afya ni Hospitali ya Wilaya na Vituo vya afya vya kingerikiti na Liparamba na Zahanati ya Lundu jangwani na Chimate,na madarasa katika Sekta ya Elimu.

Akizungumza mara baada ya kusomewa utekelezaji wa ilani ya CCM 2021/2022 Mwenyekiti wa CCM Wilaya ya Nyasa Fidelis Duwe amesema wajumbe wa Halmashauri kuu ya CCM Wilaya ya Nyasa imeridhishwa na utekelezaji wa Ilani ya Chama cha Mapinduzi na Kumpongeza kwa Dhati Mbunge wa Jimbo la nyasa Mhandisi Stella Manyanya na Rais wa Jamhuri ya Muungano wa Tanzania Samia Suluhu Hassan kwa kuipa Wilaya ya Nyasa Fedha za kuekeleza Miradi Mbalimbali ya Maendeleo.

Ameongeza kuwa Mbunge wa Jimbo la Nyasa Mhandisi Stella Manyanya ni mfano wa kuigwa katika kuwaletea wananchi maendeleo,na kama chama wanalitambua hilo na wanamtia moyo aendelee na moyoo huu.