YALIYOJIRI UHAMASISHAJI KAMPENI YA " NYUMBA NI CHOO" WILAYANI NYASA

Posted on: May 21st, 2021

Kampeni ya Nyumba ni choo yenye lengo la kuhakikisha nyumba zote Wilayani Nyasa zinakuwa na vyoo bora na vya kisasa Imefanyika kwa Siku Mbili, Mbamba bay Wilayani hapa.

Kampeni hii imeongozwa na Balozi wa Kampeni ya Nyumba ni choo, Msanii Mrisho Mpoto amewahamasisha wanajamii na kuwa eleza umuhimu wa kuwa na Vyoo bora,  kuwa Msafi,kuzuia magonjwa mbalimbali ikiwemo Kipindupindu, kuhara na Magonjwa ya Tumbo.

Kampeni hiyo imepambwa na Ligi ya Mpira wa Miguu ambayo imeshirikisha Timu Nne zenye mashabiki wengi , Wilayani hapa za Kilosa, na Mbamba bay ambazo ni Mhalo beach fc, Sido fc,Stand Fc na Bodaboda fc.

Siku ya Jana ilikuwa ni kilele cha Kampeni ya Nyumba ni Choo iliyofanyika Mbamba bay, ikianza na Mchezo wa kutafuta mshindi wa Tatu ambapo Timu ya Mhalo Beach Imeshinda ikiitoa Timu ya Stand wakati Timu ya Sido fc ya Kilosa imekuwa Mshindi wa Kampeni hiyo kwa kuitoa Timu ya Bodaboda Fc Kwa mikwaju ya penati 4 kwa 3.

Mra baada ya kukamilika kwa Mashindano hayo kulikuwa na Mbio fupi za Mchaka mchaka kuanzia Uwanja wa polosi kuzunguka Roundabauti hadi Stand ya Mbamba bay.

Mgeni Rasmi alikuwa Mkuu wa Wilaya ya Nyasa, Mh. Isabela Chilumba ambaye Alizungumza na Wananchi wa Wilaya ya Nyasa Ameishukuru Serikali kwa kuhamasisha wananchi wa Wilaya hii, na Kuwaambia wanatakiwa kuhamasika na kutengeneza vyoo  bora vya kisasa.

Wananchi wameipokea kampeni ya Nyumba ni Choo ambapo wamesema watahamasishana na wananchi wenzao hasa wanaoishi vijiji wahamasike na kujenga   Vyoo bora.