YALIYOJIRI ufunguzi wa Tamasha la Utalii Nyasa

Posted on: July 12th, 2022

YALIYOJIRI UFUNGUZI WA TAMASHA LA UTALII NYASA.

HALMASHAURI ya Wilaya ya Nyasa kwa kushririkiana na wadau wa Maendeleo ya Utalii, Wilaya ya Nyasa wanaoishi Dar es salaam na Sehemu zingine, tar 12.07.2022  wamefanya, Tamasha la Utalii lenye lengo la kutangaza Utamaduni wa wanyasa na Vivutio vya Utalii Wilayani hapa.

Mgeni Rasmi katika Tamasha Hili la Utamaduni alikuwa Ni Kaimu Katibu Tawala Wilaya ya Nyasa Bw, Paul Lugongo, aliyemwakilisha Mkuu wa Wilaya ya Nyasa Kanali Laban Thomas, Aliwashukuru wadau wote walioandaa Tamasha hili kwa lengo la kutangaza Utamaduni wa Wilaya ya Nyasa.

Amewataka wananchi kuendelea kutangaza Vivutio vya Utalii vilivyopo Wilayani Nyasa ukizingatia, Nyasa tuna Vivutio vingi vya Utalii ambavyo havipatikani sehemu nyingine, kama vile Ziwa Nyasa. Fukwe nzuri za Ziwa Nyasa Samaki wa Mapambo Ngoma za asili, Jiwe la Pomonda,Milima ya Livingstone na Vivutio vingine.

Mkurugenzi Mtendaji wa Halmashauri ya Nyasa Ndugu Jimson Mhagama amewashukuru wananchi wote wa Wilaya ya Nyasa kwa ushirikiano wa kutangaza Utalii Wilayani.

Amempongeza mwandaaji wa Tamasha  Bi Aneth anania Ambaye anaishi Dar es salaam, kwa kurudi nyumbani Nyasa na kutangaza Vivutio vya Utalii na kuwataka Wanyasa wengine wahamasike ili watangaze Utalii wa Wilaya ya Nyasa.

Kwa Upande wake Mwandaaji wa Tamasha hilo,Mkurugenzi wa Tamasha  Aneth Anania amewapongeza wananchi na Viongozi wote wa Halmashauri ya Nyasa kwa kumpa ushirikiano na kufanikisha Ufunguzi wa Tamasha Hilo ambalo killele kitafanyika Mwezi wa Tisa, amesema kwa wakazi wa Nyasa wanaoishi mbali inakuwa vigumu kuamini maendeleo yanayofanyika Nyasa lakini kwa yeye inakuwa ni rahisi kuwaambia kuwa hali ya maendeleo kwa sasa iko vizuri Umeme upo barabara nzuri na Miundombinu minginne ipo

Ametoa rai kwa wakazi wa Nyasa wanaoishio Mbali na Nyasa waje kufanya uwekezaji na Utalii kwa kuwa Nyasa ya sasa sio ile ya zamani na Fursa zipo.

Tamasha limeanzia kwa maandama na ngoma ya Asili ya Lindeku kuanzia Ofisi ya Mkuu wa Wilaya ya Nyasa iliyopo Kilosa hadi Mbamba bay na Kupanda Mlima Mbamba na Kuangalia Mandhari nzuri ya Kilele cha Mlima Mbamba,Kisiwa cha Mbamba bay na kuteremka khadi katika Fukwe za Mhalo.

Katika Fukwe za Mhalo Ufunguzi wa Tamasha hilo ulipambwa na Ngoma mbalimbali za Asili za Kioda kutoka Chiulu Linda Mganda kutoka Kihagara Lindeku Linda naKikundi cha Ngoma ya Muhambo kutoka ukuli Kata ya Kingerikiti Tarafa ya Mpepo Wilayani Nyasa.