YALIYOJIRI maadhimisho siku ya Mtoto wa Afrika Wilaya ya Nyasa

Posted on: June 16th, 2022

Halmashuri ya Nyasa Tarehe 16.06.2022 imeadhimisha sherehe ya Mtoto wa Afrika iliyofanyika katika viwanja vya shule ya Msingi Lumeme Kata ya Lumeme Wilayani Nyasa.

Mgeni Rasmi wa maadhimisho hayo ni Kaimu Afisa Tawala Wilaya ya Nyasa bw. Paul Lugongo aliyemwakilisha Mkuu wa Wilaya ya Nyasa, Kanali Laban Thomas.

Akizungumza katika Maadhimisho hayo ya Mtoto wa Afrika, amewataka wazazi na walezi kuhakikisha wanawatunza na kuwapatia watoto haki zao kisheria na kutaka watoto kutoa taarifa za ukatili wanazofanyiwa na jamii kwa ujumla ili vyombo vya dola vichukue hatua za kisheria.

Ameongeza kuwa Wilaya ya Nyasa inawathamini watoto kwa kuwa ni Taifa la kesho na amewataka washiriki kikamilifu zoezi la Sensa ya watu na makazi, ili  waweze kuhesabiwa  ili waweze kujulikana kwa idadi, na Serikali inapopanga maendeleo ya Watoto waweze kupangiwa kikamilifu.

Awali wakisoma Risala kwa mgeni Rasmi watoto wa Wilaya ya Nyasa wamelaani vikali vitendo vya ukatili wanavyofanyiwa watoto, na kuwataka wazazi walezi waweze kuwapa haki watotto wao kama haki za kupata elimu,chakula na mavazi

Akitoa Taarifa Fupi ya maadhimisho ya Siku ya watoto Duniani Mkuu wa Idara ya Maendeleo ya jamii wilayani hapa bw. Douglas Ruambo amesema, Lengo la kufanya sherehe hii, ya mtoto wa afrika ni kuwakumbusha wazazi juu ya kuwapa haki za msingi watoto wao, kwa kuwa familia bora huleta taifa bora hivyo wazazi wanatakiwa kuwapa watoto haki zao ili kuweza kuwa na Taifa bora.

Naye Mratibu wa Sensa ya watu na makazi Wilayani Nyasa Eva Maendaenda alitoa elimu ya Sensa na kuihamasisha jamii kujiandaa kuhesabiwa, ifikapo tarehe 23.08.2022 na kuwapa faida ya kuhesabiwa ikiwa na pamoja na Serikali kuweza kupanga na kutoia huduma bora kwa wananchi kwa idadi husika.

Sherehe hizo zilipambwa na burudani za ngoma za asili za Mganda,Kioda Muhambo  na Kwaya.