YALIYOJIRI KIKAO CHA BARAZA LA MADIWANI NYASA TAR.27.08.2021

Posted on: August 27th, 2021

Baraza la Madiwani wa Halmashauri ya Wilaya ya Nyasa Leo wamefanya kikao cha baraza hilo kilichofanyika katika Ukumbi wa Kepten John Komba, Mjini Mbamba bay na yafuatayo ni yaliyojiri katika katika Kikao Hicho.

Mkuu wa Wilaya ya Nyasa Kanali Laban Thomas alitoa salamu za Serikali Wilayani Nyasa,katika salamU hizo kwanza amewataka waheshimiwa madiwani Wilayani Nyasa kujiandaa na kupata madarasa ya kutosha, na madawati ya kutosha kwa kuwa kuna uwezekano mkubwa wa kuwa na wanafunzi wa kutosha watakaoanza kidato cha kwanza mwaka 2022, kwa kuwa toka mfumo wa Elimu bure ulipoanza,, mwaka huu wanahitimu darasa la saba hivyo amewataka madiwani kuhamasisha wananchi na kuwa na madawati na madarasa ya kutosha.

Jambo jingine amelitaarifu Baraza la Madiwani kuwa Tarehe 05.09.2021 Mbio maalum za Mwenge wa Uhuru zitafanyika Wilayani Nyasa na kutembelea miradi 7  ikiwa ni pamoja na Hospitali ya Wilaya, Mradi wa Maji Likwilu,shamba la michikichi, mradi wa Chuo cha Ufundi stadi VETA na Shule ya Sekondari Mbamba bay hivyo amewataka Madiwani kuhamasisha wananchi waweze kuhudhuria katika mapokezi yatakayofanyika Kijiji cha Mkalole, na Mkesha Katika kijiji cha Kilosa.

Aidha amesema kuwa mwaka 2022 kutakuwa na Sensa hivyo amewataka kuanza kuwahamasisha wananchi waweze kujitokeza kuhesabiwa ili Serikali iweze kupanga mipango ya maendeleo.

Pia amewataka madiwani kuhamasisha wananchi kuchukua tahadhari ya Ugonjwa wa Corona na  kujitokeza kwa wingi kuchanja chanjo ya Ugonjwa wa UVICO 19 kwa kuwa ni Chanjo inayotolewa na Serikali na ni salama.

Aidha amewataka wananchi kulima mazao ya michikichi,Korosho na Kokoa, na  kuongeza kulima kahawa ili tuwe na mazao ya biashara ya Mkakati.

Mwisho amewataka Viongozi kushirikiana na kuhamasisha amani na utulivu kwa wananchi na kutowakaribisha wageni kutoka nje ya Nchi.

Habari za kina Zitakujia,