Wizara ya Afya yatoa mafunzo ya kuzuia na kupambana na magonjwa ya Mlipuko Wilayani Nyasa

Posted on: March 21st, 2023

Serikali kupitia wizara ya Afya,tarehe 21/03/2023 imetoa mafunzo ya kuzuia na kupambana na magonjwa ya Mlipuko Wilayani Nyasa..

Mafunzo hayo yametolewa katika Ukumbi wa bay live mjini MBAMBA BAY Kwa viongozi wa Dini, na Ukumbi wa Hospitali ya Wilaya ya Nyasa Kwa waandishi wa habari wa radio unyanja,radioHekima na mitandandao ya Kijamii.

Mratibu wa mafunzo hayo Bw Johnson Mndeme kutoka Wizara ya Afya Amesema lengo la mafunzo hayo ni kutoa elimu Kwa makundi mbalimbali ya kijamii, ili kujenga uelewa wa magonjwa ya Mlipuko na jinsi ya kukabiliana nayo, ili jamii iweze kujua kuzuia na kupambana pindi yanapotokea.

Mndeme amefafanua kuwa Wilaya ya Nyasa Ina mwingiliano kutoka nchi Moja kwenda nyingine hivyo wizara imeona ni vema ikatoa elimu hiyo Kwa makundi mbalimbali ya jamii,ya Nyasa ili iweze kutoa elimu hiyo Kwa wananchi wa Wilaya ya Nyasa.

Amyataja makundi yanayopewa elimu Kwa ni waandishi wa habari, viongozi wa Dini, wazee mashuhuri,waganga wa kienyeji na watendaji wa Kata na vijiji pamoja na makundi mengine.

Ametoa wito Kwa wananchi wa Wilaya ya Nyasa kutumia vyoo Bora na kunawa maji Kwa usahihi baada ya kutoka chooni na kuchemsha maji ya kunywa.

Akifungua Mafunzo hayo Kaimu Mkurugenzi Mtendaji wa Wilaya ya Nyasa Ndugu Bernard Semwaiko amewataka Viongozi wa dini kutoa elimu Kwa waumini wao ili kuzuia na kupambana na magonjwa ya Mlipuko hasa kipindupindu Kwa Wilaya ya Nyasa na kumwambia Nyasa bila kipindupindu Inawezekana.

Mafunzo hayo yataendelea Kwa makundi mengine hapo kesho.