DC NYASA AZINDUA WIKI YA SHERIA, LENGO KUTOA HUDUMA ZA KISHERIA BURE KWA WANANCHI

Posted on: January 25th, 2025

YALIYOJIRI SIKU YA UZINDUZI WIKI SHERIA WILAYA YA NYASA

Mkuu wa wilaya ya Nyasa Mhe. Peres Magiri tarehe 25/01/2025 amezindua Wiki ya Sheria iliyofanyika katika Uwanja wa Mpira Mbamba bay uliopo Mbambabay Wilayani Nyasa.

Mgeni Rasmi katika Uzinduzi wa Wiki ya Sheria  ni Mkuu wa Wilaya ya Nyasa Mhe.Peres Magiri aliyepata fursa ya kuzungumza na wananchi wa Wilaya ya Nyasa.

Akizungumza Katika Uzinduzi wa Wiki ya Sheria Wilayani Nyasa, amewataka wananchi wa Wilaya ya Nyasa kutumia wiki hii ya Sheria kujitokeza kwa wingi kupata elimu ya sheria kwa kuwa wananchi wengi wanauhitaji na wanachangamoto ya kujua sheria mbalimbali, kama za ndoa, ardhi, mirathi, hivyo katika maadhimisho haya Mahakama wadau wa vyombo vya sheria watatoa Elimu bure.

Ameongeza kuwa kwa mwaka huu 2025 Mahakama kwa kushirikiana na Wadau wa sheria Wilayani hapa watatembelea vijijini na kutoa Elimu  bure na Msaada wa kisheria kwa wananchi, katika Kata ya Kihagara Shule ya Sekondari na Msingi, Mabaraza ya Usuluhishi, mabaraza ya ndoa,  sokoni,mikutano ya Hadhara na Radio Unyanja.

Aidha amewataka wananchi kushiriki kikamilifu kwa kuwa wiki hii ni ya muhimu sana, kujua sheria mbalimbali za migogoro ya Ardhi na ndoa na tuwe mstari wa mbele kupata elimu  katika wiki hii ya sheria ili kujua haki zenu.

“Ninatoa wito kwa wananchi wa Wilaya ya Nyasa kutumia wiki hii kujitokeza kwa wingi kujua sheria mbalimbali za ndoa, ardhi na kupata msaada wa kisheria bure, kwa kuwa wiki hii ni ya muhimu sana kwetu wananchi”

Awali akitoa Taarifa ya maadhimisho ya wiki ya Sheria Wilaya ya Nyasa Hakimu Mkazi Mfawidhi wa Mahakama ya Wilaya ya Nyasa Mh.Osmund Kapinga, amesema Maadhimisho haya yanalenga kutoa Elimu ya Sheria kwa wananchi kwa kuwafuata katika maeneo mbalimbali kwa kufanya mikutano ya hadhara, kutoa elimu Radio Uyanja, kuweka hema katika viwanja vya mahakama na soko la Mbamba bay na katika taasisi za umma kama shule mabaraza ya migogoro na sehemu zingine.

Aidha ameitaja KAULI MBIU “TANZANIA 2050 NAFASI YA TAASISI ZINAZOSIMAMIA HAKI MADAI KATIKA KUFIKIA MALENGO MAKUU YA DIRA YA TAIFA YA MAENDELEO”

Maadhimisho haya yamepambwa na maandamano kutoka daraja la Mbamb baykupitia Barabara ya mzunguko hadi uwanja wa Mpira Mbamba bay na michezo ya kuvuta kamba , kufukuza kuku, na kukimbia na yai likiwa kwenye kijiko,