WILAYA YA NYASA YAKUMBWA NA UHABA WA SARUJI

Posted on: November 18th, 2020

Wilaya ya Nyasa imekumbwa na uhaba mkubwa wa Saruji hali iliyotokana na wafanyabiashara kuogopa kuingiza,  na kuuza kwa bei kali inayotokana na uadimikaji wa saruji katika viwanda vinavyozalisha.

Mkuu wa Wilaya ya Nyasa mh. Isabela Chilumba, ameyasema hayo jana wakati alipofanya ziara ya kushtukiza ya kikazi, katika maduka ya wafanyabiashara wa Saruji yaliopo Makao makuu ya Wilaya ya Nyasa Mjini Mbamba bay.

Chilumba amefafanua kuwa Lengo la Ziara hiyo ya Kikazi, akiwa ameambatana na kamati ya Ulinzi na Usalama,  ilikuwa ni kuwabaini wafanyabiasha wanaouza Saruji kwa bei kubwa, na kuwachukulia hatua za kisheria kwa kuwa, kulikuwa na Taarifa kutoka vyanzo mbalimbali kuwa kuna wafanyabiashara wameongeza bei kutoka Sh 16000 kwa mfuko hadi kufikia tsh 20,000.

Ndipo alipolazimika kukagua kwa kushitukiza bidhaa hiyo, amebabaini kuwa Uhaba Mkubwa wa Saruji na hakuna Mfuko hata mmoja wa Saruji, Hivyo amewaomba wananchi kuwa na subira wakati Serikali ikijipanga kutatua  changamoto ya ukosefu wa saruji wilayani hapa.

 Baadhi ya wafanyabiashara walipohojiwa kwa nini hawauzi saruji wamesema kwa sasa changamoto inayowakabili ni kununua kwa bei ya juu na wanasafirisha ili wapate faida wanatakiwa kuongeza bei, hali ambayo wameamua kutonunua. Alisema Daud mwangosi muuzaji wa saruji kwa jumla na rejareja.

Aidha wafanyabiashara hao wameiomba Serikali kutatua changamoto ya ukosefu wa saruji Wilayani hapa.