WILAYA YA NYASA YAAFIKIANA NA WAFANYA BIASHARA WA MNADA KUHAMIA ENEO JIPYA LA KUFANYIA MNADA KATIKA MJI WA MBAMBA BAY

Posted on: July 14th, 2017

Uongozi wa Wilaya ya Nyasa kwa pamoja na Uongozi wa Wafanya biashara wa Mnada kutoka Mbinga na Songea wamefanya Kikao na Kuafikiana (Kufikia Makubaliano) juu ya maelekezo ya Wilaya ya kuwataka wafanyabiashara hao kuhama kutoka katika eneo lililokuwa likitumika kwa ajili ya Mnada hapo siku za nyuma (Mbamba bay) na kuhamia eneo jipya (Kilosa Sokoni) ili kuendelea na biashara ya Mnada kila Tarehe 20 ya Mwezi.

Maelekezo ya kuhamia Kilosa Sokoni yanatokana na jitihada za Uongozi wa Wilaya za kuendelea kuupanga Mji wa Mbamba Bay ambao kimuundo unajumuisha Kata za Mbamba Bay, Kilosa na Mtipwili ili wakazi wa maeneo hayo waweze kupata huduma kwa karibu na kwa uhakika walau kwa mwezi Maramoja ukilinganishwa na eneo la M’Bay ambako tayari huduma hizo zinapatikana muda wote.

Akifungua kikao hicho Mwenyekiti wa aliwajurisha wajumbe kuwa ajenda ya kikao hicho ni moja tu ‘MNADA WA MBAMBA BAY KUHAMIA KILOSA SOKONI’ ,Baada ya majadiliano ya Muda mrefu kwa pamoja wajumbe wa kikao hicho chini ya Uenyekiti wa Ndg. Richard Mbambe Kaimu Mkuu wa Wilaya ya Nyasa walikubaliana kwa kauli Moja kuwa kuanzia Mnada wa tarehe 20-07-2017 na kuendelea itakuwa ikifanyika Kilosa Sokoni

Wakati akifunga kikao Mwenyekiti aliwashukuru wajumbe wote kwa busara zao na kutoa ufafanuzi wa hoja ya Viongozi wa wafanya biashara waliohitaji uhakika wa kuwepo katika eneo jipya angalau kwa zaidi ya Miaka Mitano (Eneo la Kudumu) kwa kuwaondoa hofu na kwamba eneo wanalokwenda kuanza kulitumia litakuwa la kudumu.