WILAYA YA NYASA YAADHIMISHA SIKU YA UKIMWI DUNIANI

Posted on: December 1st, 2019

Leo Halmashauri ya Wilaya ya Nyasa imeadhimisha Siku ya Ukimwi Duniani katika Viwanja vya michezo  Mjini Mbamba-bay  wilayani hapa.

Mkuu wa wilaya Bi Isabela Chilumba akiwa mgeni Rasmi amewataka wananchi wa Wilaya ya Nyasa, kuchukua Tahadhari dhidi ya  ugonjwa  wa Ukimwi kwa kuwa upo na mpaka sasa hauna Kinga wala tiba.Amewataka wananchi kishiriki kupima afya zao ili kujijua wameambukizwa  ili waanze kutumia vidonge vya kuongeza siku.(ARV).

Bi Isabela Chilumba aliongeza kuwa na kwa wale waasioambukizwa wajikinge ili wasiweze kupata maambukizi mapya ya ugonjwa huo hatari ambao hauna Kinga wala tiba, kwa kutumia muda mwingi kufanya kazi kwa juhudi na kufanya mazoezi au michezo mbalimbali.

Maadhimisho hayo yalipambwa na mechi ya kirafiki ya wanawake ya Liuli na mchanganyiko wa wachezaji kutoka kutoka Kilosa na Mbamba-bay. Matokeo ya mchezo huo ni Timu ya Liuli imeshinda magoli  2-0.