Wilaya ya Nyasa yaadhimisha miaka 61 ya Muungano kwa Kufanya Usafi

Posted on: April 26th, 2025

 NYASA YASHEHEREKEA MIAKA 61 MUUNGANO KWA KUFANYA USAFI.

Wilaya ya Nyasa Tarehe 26.04.2025  imeadhimisha sikukuu ya miaka 61 ya Muungano wa Tanganyika na Zanzibar kwa kufanya usafi katika viwanja vya polisi Mbambabay wilayani Nyasa.

Mgeni Rasmi katika Maadhimisho  ni Mkuu wa Wilaya ya Nyasa Mhe. Peres Magiri ambaye ameungana na kuwaongoza wananchi wa Wilaya ya Nyasa, kufanya usafi na wananchi wa Wilaya ya Nyasa katika Viwanja Vya Polisi mbamba bay kwa lengo la Kuadhimisha Sikukuu.

Akiongea na wananchi amewataka wananchi kulinda Muungano huu kwa kudumisha amani na Utulivu kwa kuwa ni msingi wa Taifa letu lenye umoja amani na Utulivu ikiwa ni sehemu ya kudumisha mawazo ya Viongozi wetu waasisi, hivyo tunatakiwa kuendelea kuulinda Muungano ili tuwe mfano wa kuigwa na mataifa mengine.

“Ndugu wananchi napenda kuchukua fursa hii kuwapongeza kwa kusheherekea Miaka 61 ya Muungano wa Tanganyika na Zanzibar na tukiwa tunasheherekea basi tukumbuke kulinda amani na Utulivu huku tukiuenzi Muungano Muungano wetu umefikia miaka 61, nimfano wa kuigwaa na mataifa mengine hivyo tunakila sababu ya kuuenzi”

Amewashukuru Wananchi wote wa Wilaya ya Nyasa walioshiriki kufanya usafi kwa lengo la kuadhimisha maadhimisho ya Miaka 61 ya Muungano wa Tanganyika na Zanzibar na kuwataka kuendelea kuhamasika katika shughuli zingine za Kitaifa kama vile Uchaguzi Mkuu uanaotarajiwa kufanyika Nchi nzima mwaka huu.

Pia amechukua Fursa hii kwatangazia Ujio wa Mbio za Mwenge wa Uhuru 2025 Wilayani Nyasa tarehe 12.05.2025. ametoa wito kwa wananchi wa Wilaya ya Nyasa kushiriki kikamilifu kukimbiza Mwenge wetu wa Uhuru 2025 utakaopokelewa Ukuli, Kingerikiti na Mkesha ni Viwanja Vya Polisi Mbamba bay.