WILAYA ya Nyasa yaadhimisha kumbukumbu ya mashujaa kwa kufanya usafi

Posted on: July 25th, 2022

Wilaya ya Nyasa Tarehe 25.07.2022 imeadhimisha siku ya kumbukizi ya Mashujaa, waliopigania Uhuru wa Taifa kwa kufanya usafi wa mazingira katika Hospitali ya Wilaya ya Nyasa, iliyojengwa katika kijiji cha Nangombp kata ya Kilosa Wlayani Nyasa.

Kaimu Afisa Tawala Wilaya ya Nyasa Bw. Paul Lugongo, amewaongoza wakuu wa Taasisi,Wakuu wa Divisheni na Vitengo na Watumishi wa Umma kwa kushiriki maadhimisho  kwa kufanya usafi wa mazingira katika Hospitali ya Wilaya.

Akizungumza katika Maadhimisho ya Mashujaa, Kaimu Afisa Tawala amewapongeza watumishi wote waliohudhuria kufanya usafi kwa kuwaenzi mashujaa wetu waliohakikisha Tanzania tunakuwa huru,amewahimiza wananchi na watumishi kuhakikisha wanafanya Usafi katika maeneo ya kutolea Huduma za  kijamii na maeneo yao kwa ujumla na kuhakikisha Halmashauri ya Nyasa inakuwa na mazingira masafi.

Naye Mwenyekiti wa Chama Cha Mapinduzi (CCM) Wilaya ya Nyasa Fidelis Duwe , amewashukuru watumishi wote walioshiriki usafi wa mazingira na kuwataka wananchi kuiga mfano wa kufanya usafi katika maeneo yao na Taasisi zinazowazunguka badala ya kuwaachi watumishi pekee.

Kwa upande wake Mkurugenzi Mtendaji wa Halmashauri ya Nyasa Ndugu Jimson Mhagama amewataka wananchi kujakujionea kwa macho kazi zinazofanywa na Serikali ya kujenga Wodi mbalimbali kama vile za Upasuaji na wagonjwa wa dharula.

Ametoa wito kwa wananchi kutembelea na kuona kwa macho kazi mbalimbali zinazotekelezwa katika Hospitali ya Wilaya na kutoa maoni mbalimbali ili waweze kuboresha zaidi.

Watumishi walioshiriki kufanya usafi wamesema wamefurahia kuona Hospitali ya Wilaya ikiwa ina majengo bora na ya kisasa ambapo wanauhakika wa kufanya kazi kwa bidii kwa kuwa hata wakipata changamoto ya kiafya wanauhakika wa kutibiwa.