WILAYA YA NYASA YA YAZINDUA CHANJO YA SARATANI YA MLANGO WA KIZAZI KATIKA SHULE YA MSINGI KILOSA LEO 23-04-2018.

Posted on: April 23rd, 2018

Mkuu wa wilaya ya nyasa mkoani Ruvuma bi Isabela Chilumba amezitaka kamati ya afya ya msingi kuhamasisha wasichana walio na umri wa miaka 14 kujitokeza kwa wingi kupata chanjo ya kuzuia saratani ya mlango wa kizazi ili kuepukana na vifo vinavyotokana na saratani ya shingo ya kizazi.

Mh,chilumba aliyasema hayo leo wakati akifanya uzinduzi wa kutoa chanjo ya kuzindua saratani ya shingo ya kizazi uzinduzi uliofanyika katika shule ya msingi Kilosa wilayani Nyasa mkoani Ruvuma akiwa mgeni rasmi.

Bi Chilumba alifafanua kuwa,chanjo hiyo ni muhimu sana kwa kuzuia saratani ya shingo ya kizazi kupatiwa wasichana wote walio na umri wa miaka 14 wa wilaya ya nyasa kwa kuwa saratani hiyo husababisha vifo vya wanawake wengi Duniani hivyo kila kiongozi wa afya ya msingi ahakikishe anahamasisha wanawake wote kupata chanjo hiyo

“nyie kamati ya afya ya msingi ya wilaya ninawaagiza kuwa wahamasisheni wasichana wote walio na umri wa miaka 14 wilaya ya nyasa wapate chanjo ya kuzuia saratani ya shingo ya kizazi kwa kuwa saratani ya shingo ya kizazi ni miongoni mwa ugonjwa unaosababisha vifo vingi vya wanawake duniani”

Kabla ya uzinduzi huo mkuu huyo wa wilaya alifanya kikao na kamati ya afya ya msingi ya wilaya ya nyasa mkoani Ruvuma napo aliwataka wajumbe wa kamati hiyo kuwa wazalendo na kuwahamasisha wasichana wote kupata chanjo na kuwafikia wanawake wengi zaidi katika wilaya

Wakati wa uzinduzi huo jumla ya wasichana 27 ambao ni wanafunzi wa shule ya msingi kilosa walipatiwa chanjo hiyo ambapo lengo la wilaya ni kutoa chanjo hiyo kwa wasichana walio na umri wa miaka 14  wapatao 5668.