Wilaya ya Nyasa Kufanya Kongamano kuelekea Maadhimisho ya Siku ya wanawake Duniani

Posted on: March 6th, 2025

Halmashauri ya Wilaya ya Nyasa itafanya kongamano kuelekea Maadhimisho ya Siku ya Wanawake Duniani litakalofanyika siku ya Ijumaa tarehe 7/03/2025 katika Ukumbi wa chuo cha Ufundi stadi VETA Nyasa na kuwakutanisha wanafunzi wa kike walioko sekondari, vyuo na watu wote kwa ujumla.

Kwa mujibu wa Mratibu wa Maadhimisho haya Bi Frida Mbele amesema, Shughuli mbalimbali zinategemea kufanyika, ikiwa ni pamoja na kugawa Taulo za Kike kwa wanafunzi wa kike, kutoa elimu ya ujasiliamali, na wanafunzi wa kike VETA Nyasa kuonyesha Ujuzi Kwa Vitendo Kwa kozi wanazosomea kwa lengo la kuwahamasisha wanawake kujipatia ujuzi na kujiajiri na kutokuwa tegemezi.

Mgeni Rasmi ktika kongamano hili ni Mkuu wa Wilaya ya Nyasa Mhe. Peres Magiri na maadhimisho haya yataanza kuanzia saa tatu asubuhi.

Ametoa wito kwa wananchi wa Wilaya ya Nyasa kujitokeza kwa wingi  kuhudhuria kongamano hilo.