Wazee Nyasa, wampongeza DC Nyasa

Posted on: August 25th, 2021

Mkuu wa Wilaya ya Nyasa Kanali Laban Thomas jana, amefanya kikao na wazee wa kata ya Mbamba bay na kilosa, kikao kilichofanyka katika ofisi ya Mkuu wa Wilaya ya Nyasa, chenye lengo la kujitambulisha na kusikiliza kero  zinazowakabili Wazee wilayani Nyasa.

Akizungumza na wazee hao Kanali Thomas amewataka wazee wa Wilaya ya Nyasa, kuwakumbusha watoto wao kuishi kwa Uadilifu na kujitokeza kwa wingi kuupokea Mwenge wa Uhuru unaotarajiwa kuwasili katika Wilaya ya Nyasa tarehe 05.09.2021

Amefafanua kuwa Wazee ni msingi wa maendeleo ya Taifa, kwa kuwa wazee wanachochea maendeleo, hivyo ameona ni vema afanye kikao na wazee ili aweze kujitambulisha kwao na ajue kero zinazowakabili ili aweze kuzitatua.

Ameongeza kuwa anawaheshimu sana wazee kwa kuwa ni kundi ambalo analiheshimu sana katika jamii, kwa kuwa ni watu wenye maadili na Ushauri wa kujenga, lakini hata katika jamii vijana wanawasikiliza, hivyo amewataka kuwafundisha maadili vijana wao hasa uvaji wa mavazi na kufanya kazi kwa juhudi ili kuondokana na Umaskini.

Pia amewataka wazee hao kushiriki katika mbio Maalum  za Mwenge wa Uhuru 2021 zitakazofanyika Wilayani Nyasa Tarehe 05.09.2021 mapokezi ni katika Kijiji cha Mkalole na Mkesha ni Kilosa, Pia amewakumbusha mwaka 2022 tutakuwa na Sensa ya watu na makazi, hivyo amewaomba waihamasishe jamii ili wawe tayari kuhesabiwa.

Kwa upande wao wazee wa kata ya Mbamba bay na kilosa walibainisha kero zinazowakabili ni Upungufu wa huduma ya maji ya bomba, umeme, na barabara.

Aidha wazee hao wamempongeza Mkuu wa Wilaya ya Nyasa kwa busara zake za kufanya kikao na wazee hivyo wame mwambia watampa ushirikiano atakaohitaji kutoka kwa wazee.

“Sisi kama wazee wa Wilaya ya Nyasa tunakushukuru sana Mkuu wetu wa Wilaya kwa kupita kujitambulisha kila kata na kuongea na wazee ni jambo ambalo limetupa faraja nzito na tumefarijika sana”