WATUMISHI WA HALMASHAURI YA NYASA WAPEWA MAFUNZO NA OFISI YA RAIS.

Posted on: December 16th, 2020

Watumishi wa Halmashauri ya Wilaya ya Nyasa jana, wamepewa mafunzo ya  maadili kwa watumishi wa umma, na jinsi ya kushughulikia Malalamiko ya wananchi na wafanyakazi mafunzo yenye lengo la kukuza maadili, kwa watumishi wa umma na kutatua malalamiko kwa haraka.

Mafunzo hayo yametotolewa na 0fisi ya Rais Menejimenti ya Utumishi wa Umma na Utawala bora, yaliyotolewa na Jusseim Mwakipesile, ambaye ni Mkurugenzi Msaidizi ukuzaji wa maadili kutoka katika ofisi hiyo.

Bw. Mwakipesile amefafanua kuwa serikali ya awamu ya Tano imedhamiria watumishi wake watoe huduma bora kwa wananchi, hivyo tunakila sababu ya kuhakikisha kuwa Utoaji wa huduma za serikali unazingatia sheria kanuni na Taratibu, lakini pia wateja wafurahie huduma bora kutoka Ofisi za Umma ili wananchi wawe na imani na ofisi zao za umma.

Ameongeza kuwa, Serikali imechukua hatua mbalimbali za kuhakikisha kuwa kila mtumishi wa umma anawajibika kutoa huduma bora kwa wananchi, hivyo ni wajibu kukumbushana na kutoa mafunzo kwa watumishi ili kuwakumbusha kuwa utoaji huduma bora kwa wananchi ni wajibu wa kila mtumishi kama alivyoomba kazi na sio hiari.

Aidha katika ushughulikiaji malalamiko, amewataka watumishi kuhakikisha wanatatua malalamiko kwa wananchi kwa haraka na kama malalamiko hayawezi kutatuliwa katika ngazi yake ya utawala basi ahakikishe anayafikisha katika ngazi inayofuata kwa haraka. nNa akasema kama watumishi wa umma watakuwa wanatatua kero zote za wananchi wananchi watakuwa wanafanya kazi za kujiletea maendeleo kwa haraka.