Watanzania watakiwa kuwa wazalendo-Katibu Tawala Nyasa

Posted on: July 25th, 2024

Halmashauri ya wilaya ya Nyasa tarehe 25/07/2024, imeadhimisha siku Siku ya Mashujaa Kwa kufanya  usafi katika Eneo la Stand mpya ya Mabasi Kilosa.

Mgeni rasmi katika maadhimisho haya ni Katibu Tawala wa Wilaya ya Nyasa Bw.Salum Ismail aliyewaongoza watumishi na wananchi kufanya usafi katika eneo Hilo.

Akizungumza wakati akikamilisha zoezi la usafi   amewataka wananchi kuwa wazalendo na kwa kupenda Nchi yetu ya Tanzania na kudumisha amani na utulivu.

Amewataka wananchi kuhamasika na kujitokeza kwa wingi katika uboreshaji wa Daftari la kudumu la wapiga kura  na kushiriki uchaguzi wa serikali za Mitaa Kwa kuchaguliwa au kuchagua viongozi.

Ametoa wito  Kwa wananchi  kufanya usafi katika maeneo Yao  na  maeneo ya  umma ili kuweka mji na wilaya yetu katika Hali ya usafi na yenye kuvutia na kuifanya Wilaya yetu kuwa ya   Kitalii.