WASIMAMIZI WASAIDIZI UCHAGUZI WAPEWA MAFUNZO NYASA

Posted on: September 20th, 2019

Halmashauri  ya  Wilaya ya  Nyasa Mkoani Ruvuma, Jana na leo  imetoa mafunzo kwa wasimamizi wasaidizi  kwa ngazi ya Kata na Vijiji yenye lengo la kuwajengea  uwezo, wasimamizi ambao wanatarajia  kusimamia uchaguzi WA Serikali za mitaa utakaofanyika Novemba  24 mwaka huu.

Mafunzo haya ya siku moja yamefanyika katika ukumbi wa shule ya msingi mbambabay  na shule ya msingi Lituhi wilayani hapa.

Akifungua mafunzo  hayo kaimu Mkurugenzi wa Wilaya ya Nyasa Bw Liston Moyo, aliwataka washiriki kusoma kwa umakini na bidii ili kufahamu majukumu yao.Pia aliwataka wasisite kuuliza kama kuna jambo hawajaelewa kwa kuwa ni muhimu sana kwa wasimamizi kuzijua taratibu ,sheria na kanuni pamoja na miongozo ya uchaguzi wa Serikali za mitaa ili wajengewe uwezo wa kusimamia uchaguzi .

Moyo aliongeza kuwa lengo la uchaguzi ni kuwapata viongozi watakaokuwa wanafanya maamuzi, ngazi ya vitongoji na vijiji kwa kuwa ni ngazi ya msingi sana ya utawala wa Serikali.  hivyo wasimamizi wa uchaguzi wanatakiwa kuwa na uelewa wa kutosha wa maelekezo ya uchaguzi ili waweze kutekeleza majukumuyao kwa weledi.

“Ndugu wasimamizi wasaidizi wa uchaguzi wa Serikali za Mitaa , mnatakiwa kusoma kwa bidii na kuyatambua majukumu yenu ili muweze kutekeleza majukumu yenu kwa weledi mnatakiwa kwanza mjengewe uwezo nakuyafahamu majukumu yene ipasavyo.hivyo mnatakiwa kuelewa vizuri sheria kanunina miongozo yauchaguzi.usitoke bila kufahamu kama kuna mahali hujaelewa ulizaili upate ufahamu.”Alisema Moyo

Afisa uchaguzi wa Halmashauri yaWilaya ya Nyasa Bw.Jabir Chilumba alisema Wilaya ya nyasa wamejiandaa vema kwamaandalizi yote ya Uchaguzi ili uweze kufanyika kwa kufuata Sheria kanuni naTaratibu za uchaguzi wa Serikali za mitaa ya mwaka 2019.

Mafunzo haya ni ya siku moja nayanafanyika Makao makuu ya kila Tarafa na tayari Tarafa ya Luhekei naLuhuhu  yamefanyika na kesho yatafanyikamakao makuu ya Tarafa ya Mpepo,kijiji cha Tingi Kata ya Tingi Wilayani Nyasa.