WANAWAKE NYASA WAMPA TUZO Mbunge Manyanya, waridhishwa na uchapakazi wake

Posted on: March 15th, 2025

YALIYOJIRI usiku wa mwanamke Wilaya ya Nyasa.

Wanawake wa Halmashauri ya wilaya ya Nyasa wamemchagua na kumpa Tuzo maalum Mbunge wa Jimbo la Nyasa Mhandisi Stella manyanya ili kuthamini uongozi wake ambao umetatua changamoto mbalimbali za wananchi na kukimbiza maendeleo katika sekta za Elimu, afya , Miundombinu na Utawala Bora.

Wanawake hao wamempa Tuzo hiyo wakati wakiadhimisha  usiku wa mwanamke katika Ukumbi wa Baylive Mbamba bay wilayani Nyasa.

Akizungumza wakati wa utoaji tuzo kwa niaba ya wanawake wa wilaya ya Nyasa, Mwalimu Mbepera  amesema kama wanawake wameona watumie siku hiyo kutoa tuzo kwa wanawake majasiri ambao wamekuwa wakipambana na kutekeleza mjukumu licha ya vikwazo wanavyokutana navyo.

“Amefafanua kuwa mbunge wa jimbo la Nyasa Mhe Manyanya amefanya kazi kubwa sana ya kulijenga jimbo la Nyasa kwa kuleta Miradi ya maendeleo kama barabara ya Lami Mbinga Mbamba bay, ujenzi wa Bandari ya Ndumbi na Mbamba bay, utekelezaji wa Miradi ya Elimu, amehakikisha ameboresha shule kwa kujenga madarasa na shule mpya wakati sekta ya Afya amejenga vituo vya afya na zahanati pamoja na Hospitali ya wilaya na kuhamasisha wanawake kujifungua Hospitali hali iliyopunguza vifo vya akinamama wajawazito.

Ameongeza kuwa Jimbo la Nyasa kwa kipindi chake amefanya kazi kuwa na nzito kukimbiza maendeleo, hivyo zawadi wanayokwenda kumpa ni kumshukuru na kumpongeza na kuthamini mchango wake katika maendeleo ya Nyasa.

Wanawake hao wamesema wanamuunga mkono kwa asilimia mia moja na wako tayari kuungana nae katika uchaguzi utakao fanyika mwaka  huu 2025.

Akizungumza katika Hafla hiyo Mbunge wa Jimbo la Nyasa amesema anawashukuru wanawake wa wilaya ya Nyasa kwa zawadi ya kuthamini mchango wao na kuahidi kuendelea kuwatumikia na kutatua changamoto zinazowakabili.

Amewataka kuendelea kulea familia na kuongeza watoto kwa kuwa wilaya ya Nyasa ina watu wachache kwa mujibu wa sensa ya watu na makazi idadi hii ni ndogo kwa wilaya yetu ambayo inahitaji maendeleo hivyo tujitahidi kuongeza uwingi wa watu .

Tuzo hizo pia zimetolewa kwa mama Chimo ambaye licha ya mumewe kupata changamoto za kiafya ameendelea kulea na kumthamini mumewe wakati Ene Kaboma ana mtoto mlemavu lakini anamtunza na kumthamini,

Wanawake hao wamesema kila mwananchi anavyoishi jamii inajua hivyo kila mtu ahakikishe anaishi vizuri na jamii pamoja na kshirikiana.

Maadhimisho haya yamekwenda sambamba na kuoa elimu ya ujasiliamali, elimu ya VETA kwa wanawake ambao wamepewa wito wa kujiunga na Chuo cha Ufundi stadi Veta ili kuinua hali ya Maisha.

Aidha wamempongeza Rai wa Tanzania DKT Samia Suluhu Hassan kwa utekelezaji miradi na Utawala bora pamoja na kutoa mikopo kwa wanawake pamoja na makundi maalum, ambao wamesema kura zote za wanawake atazipata.