WANANCHI WAIPONGEZA RUWASA RUVUMA

Posted on: July 27th, 2023

RUWASA MKOA WA RUVUMA WAPEWE MAUA YAO.

Makamu wa Rais Dkt Philipo Mpango amefanya ziara ya kikazi mkoa wa Ruvuma na kuzindua miradi mbalimbali. Akiwa Wilayani Nyasa ameweka jiwe la Msingi katika Mradi wa maji wa Liuli group uliofikia wastani wa asilimia 85 ya utekelezaji wake.

Mradi huu ukikamilika unakwenda kutatua changamoto ya ukosefu wa maji safi na salama Katika Kata ya Liuli yenye vijiji 5 vya Nkalachi,Liuli,Hongi,Mkali A na Mkali B, yenye wananchi 15,823 na watatumia muda mwingi kufanya shughuli za maendeleo za kujiongezea kipato badala ya kutembea umbali mrefu wa kutafua maji safi na salama.

Akizungumza katika Mradi huo makamu wa Rais aliridhishwa na utekelezaji wa Mradi huu wa maji na kuwapongeza viongozi wa Mkoa na Wilaya ya Nyasa kwa usimamizi mzuri wa miradi ya maji.

Kwa upande wake Wananchi wa Kata ya Liuli wamepongeza, Wakala wa Maji na Usafi wa Mazingira Vijijini RUWaSA kwa utekelezaji bora wa miradi ya maji katika Mkoa wa Ruvuma,hususani Wilaya ya Nyasa.

mbunge wa Jimbo la Nyasa Mhandisi Stella Manyanya akizungumza Kwa niaba ya wananchi ameipongeza RUWASA Kwa kutekeleza miradi ya Maendeleo sekta ya maji inayotekelezwa Wilayani hapa.

"Nichukue fursa hii kuipongeza RUWASA na watendaji wote Kwa kazi nzuri wanayoifanya Wilayani Nyasa"

Nikiwa katika eneo la Uwekaji wa Jiwe la msingi niliona wananchi wakimtafuta Meneja wa wakala wa Maji na usafi wa mazingira Vijijini (RUWASA) Mkoa wa Ruvuma Mhandisi Rebman Ganshonga huku wakimshangilia na kumpongeza kwa kazi nzuri anayoifanya ya utekelezaji wa miradi ya maji katika Wilaya ya Nyasa,”Wakiimba tuletee meneja,tuletee meneja”

Sio jambo dogo kwa wakati tulionao wananchi kumpongeza mtendaji hasa anapotekeleza mradi,ni jambo kubwa sana kwa kuwa wananchi kwa sasa wanauelewa wa hali ya juu namna ya utekelezaji wa miradi.

Wilayani Nyasa kuna jumla ya Miradi 06 inayoendelelea ambayo ina jumla ya Tsh Bilioni 19.5 katika kata za Lituhi,liuli,Ngumbo, Tingi Kilosa na Kihagara ambayo inatarajia kumaliza kero kwa wananchi 71,886 wa Halmashauri ya Wilaya ya Nyasa.

RUWASA Mkoa wa Ruvuma kwa kushirikiana na Viongozi wa Serikali Wilayani Nyasa wamekuwa makini kushughulikia na kusimamia  miradi inyotekelezwa n kwa kutoa ushirikiano wa hali ya Juuu ukuiongozwa na meneja waRUWASA  Mkoa wa Ruvuma  Mhandisi Ganshonga.

Kiongozi wa Mwenge wa Uhuru 2023 Aliweka jiwe la Msingi katika Mradi wa maji wa Ngumbo  Wilayani Nyasa, ambao utahududumia wananchi 11080 wa kata ya Ngumbo na Liwundi,akiweka jiwe la Msingi kiongozi huyo aliridhishwa na ujenzi wa miundombinu ya Maji katika mradi huo na kuwapongeza RUWASA kwa kazi nzuri wanayoifanya ya utekelezaji wa Miradi ya maji ambayo inatatua kero ya wananchi ya kupata maji safi na salama na kutumia muda mwingi kufanya kazi za kujiongeza kipato.

Mwenge wa uhuru 2023 katika miradi yote ya maji Mkoani Ruvuma ilifungua na kuweka Mawe ya Msingi,miradi yote ya maji na kupongeza.

Uchunguzi uliofanywa na Mwandishi wa Habari hizi umebaini kuwa Miradi ya Maji mkoani Ruvuma inatekelezwa ipasavyo na kutatua changamoto ya wananchi,ushuhudamwingine nilioupata katika Halmashuri ya Wilaya ya Mbinga katika Kijiji cha Paradiso Ambapo wakati wakikabidhiwa Mradi wa maji wananchi walishindwa kujizuia na kulia kwa furaha pamaoja na kucheza ngoma aina ya mganda na Kioda huku wakisema Hongera Serikali kwa kututatyulia changamoto ya Maji.

Namaliza kwa kusema, Mnyonge Mnyongeni lakini haki yake mpeni,RUWASA Mkoa wa Ruvuma wanastahili pongezi kwa kutekeleza vema miradi ya Maji.