WANANCHI wa Kata ya Lipingo Wampongeza Dc Nyasa Kwa kufanya Ziara ya kikazi na kusikiliza kero za wananchi

Posted on: October 26th, 2023

Yaliyojiri Ziara ya Mkuu wa Wilaya ya Nyasa mhe. Filberto Sanga katika Kata ya Lipingo Wilayani Nyasa tarehe 26/10/2023.

Mkuu wa Wilaya ya Nyasa mhe. Filberto Sanga amefanya Ziara ya kikazi katika Kata ya Lipingo Wilayani Nyasa.

Lengo la Ziara hii ni kutangaza mafanikio ya Serikali ya awamu ya Sita , utekelezaji wa miradi ya Maendeleo katika kata hiyo, na kusikiliza na kutatua kero Za wananchi mkutano uliofanyika kati viwanja vya Ofisi ya Kijiji Cha Lundo Wilayani hapa.

Mhe. Sanga ameyataja mafanikio yaliyopatikana katika kata ya Lipingo ni pamoja na utekelezaji wa miradi ya Afya , elimu, maji, Barabara.

Amefafanua kuwa serikali imetekeleza miradi mingi ya kimkakati katika Halmashauri ya Wilaya ya Nyasa, hasa Barabara ya Mbinga -mbamba bay, Ujenzi wa bandari ya Ndumbi na Ujenzi wa bandari ya Mbamba bay inatarajia kuanza hivi karibuni.

Katika Kata ya Lipingo miradi mingi ya Ujenzi wa madarasa unaendelea, Zahanati ya Ngindo, Ujenzi wa madarasa, usambazaji wa umeme na mingine mingi.

Aidha amewaambia wananchi kero ya maji inaendelea kutatuliwa pamoja na usambazaji umeme Kwa kuwa Serikali iliweka malengo ya kufikisha umeme Kila Kijiji kwanza na baadae utaenda ngazi ya vitongoji.

Kwa upande wao wananchi wa Kata ya Lipingo wamempongeza mkuu wa Wilaya Kwa kufanya Ziara hiyo na kumtaka atatue kero walizompa.

Pichani akiwa katika mkutano huo.