Wananchi Mtupale Wampongeza Mhandisi Manyanya,kisa utatuzi wa kero za maji, umeme, Zahanati na miundombinu

Posted on: July 19th, 2023

Wananchi wa Kijiji Cha Mtupale Kata ya Chiwanda Wilayani Nyasa wamempongeza Mbunge wa Jimbo la Nyasa Mhandisi Kwa kutekeleza ahadi alizotoa katika Kijiji Chao za Ujenzi wa shule mpya ya Chiwindi, Zahanati ya Mtupale,Ujenzi wa Ofisi ya Kijiji,umeme, na mradi wa Maji safi na salama katika Kijiji Chao.

Mwenyekiti wa Kijiji Cha Mtupale Mh. Martin Mponda, ameyasema hayo tarehe 19/07/2023 katika mkutano wa hadhara uku akishangiliwa na wananchi wake, katika mkutano ulioudhuriwa na mbunge huyo aliyeenda kuwakabidhi Bomba Kwa aJili ya utekelezaji wa mradi wa maji safi katika Kijiji Cha Mtupale Kata ya Chiwanda Wilayani Nyasa.

Amefafanua kuwa utekelezaji wa miradi oliyotekelezwa katika Kijiji hi ho ni ishara tosha mbunge Manyanya ni mfano wa kuigwa Kwa kuwa anatekeleza ahadi alizotoa na anatatua kero za wananchi Wilayani Nyasa.

"MH Mbunge tunakushukuru na tunakupongeza sana Kwa kukipenda Kijiji Cha Mtupale, tunakushukuru Kwa kutekeleza miradi ya Ujenzi wa shule mpaka wenzetu nchibya Msumbiji wanatuonea wivu, Zahanati ya Mtupale,umeme, Barabara,na Leo unatuletea Bomba za maji safi! ubarikiwe sana Mbunge wetu.

Hata hivyo wamemwomba kuendelelea kutatua changamoto ya watumishi wa afya na walimu katika Zahanati ya Mtupale na shule ya Chiwindi.

Akizungumza katika mkutano huo Mbunge wa Jimbo la Nyasa mhandisi Stella Manyanya amewataka wananchi kuendelelea kuunga mkono juhudi za Serikali na kumshukuri Rais SAMIA Suluhu Hassan Kwa kuipa Wilaya ya Nyasa miradi ya Maendeleo.

Hivyo amewataka kushiriki,USimamizi na kuchangia miradi ya Maendeleo Kwa kuwa bila nguvu za wananchi miradi haiwezi kukamilika.

Hata hivyo amewapa jezi timu ya mpira ya Mtupale.

Ametoa wito Kwa jamii kuilinda na kuitunza miradi ya Maendeleo inayotekelezwa katika Jimbo la Nyasa.