Wananchi Mpepo Waipongeza Serikali na Mbunge Manyanya Kwa kutatua kero ya Umeme/Barabara

Posted on: September 18th, 2023

Wananchi wa Kata ya Mpepo Wilayani Nyasa wameipongeza Serikali ya awamu ya Sita, na Mbunge wa Jimbo la Nyasa Mhandisi Stella Manyanya Kwa kutatua kero ya Barabara na Umeme.

Pongezi hizi wamezitoa katika sherehe za Ufunguzi wa Tawi la Simba zilizofanyika katika Kijiji Cha Lunyere(Darpor) Tarehe 17/09/2023 na kuhudhuriwa na wananchi na mgeni rasmi alikuwa Mbunge wa Jimbo la Nyasa Mhandisi Stella Manyanya.

Wananchi hao wamefafanua kuwa Kwa muda mrefu walikuwa na kero ya Barabara kutoka Tingi, Mpepo Hadi Darpor (mpakani mwa Nchi ya Msumbiji na Tanzania,na Umeme ambayo imedumu Kwa muda mrefu .

 changamoto ya usafiri  walikuwa wakilipa nauli kubwa, magari yaliyokuwa yakifika ni Randrover lakini Kwa Kwa sasa, basi na magari ya Kisasa yanakuja na nauli zimepungua.

Wameongeza kuwa Umeme ilikuwa ni changamoto kubwa lakini Kwa sasa mambo ni mazuri hatuna deni na Serikali tunakupongeza sana Mbunge na tunaipongeza Serikali ya Rais  Dkt SAMIA Suluhu Hassan Kwa kutatua changamoto hizi.

Aidha wamemwambia mbunge Shukrani zao watampa 2025 watakapompa kura zote za ndio.

Aidha wameipongeza Serikali Kwa kuboresha sekta ya michezo inayoongeza upendo Kwa wananchi wake.

Tawi la Simba  DARPOR limefunguliwa na Mbunge wa jimbo la Nyasa Mhandisi Stella Manyanya akiwaomba ushirikiano wa Hali ya juu wa wananchi wote Kwa timu zote Simba na Yanga na kuwataka kufanya kazi Kwa bidii na kuboresha sekta ya michezo Kwa kuwa na timu za mpira Kila kata na Kijiji.

Amesema Wilaya ya Nyasa inatarajia kujenga uwanja wa kisasa wa michezo na kuanzisha Timu ya Wilaya ya Nyasa, itakoyosheheni vipaji mbalimbali kutoka Wilayani Nyasa.

Aidha amegawa jezi pea mbili Kwa Timu ya Mpepo na Darpor Kwa lengo la kuhamasisha michezo.