Wananchi Kata ya Tingi wamshukuru Rais Samia kwa kutatua changamoto ya maji safi na salama

Posted on: September 2nd, 2024

Wananchi wa kijiji cha Tingi, kata ya Tingi Wilaya ya Nyasa tarehe 01/09/2024 wakionesha furaha yao wakati wa kupokea matenki ya maji yenye ujazo wa Lita laki 2 yakayotumika katika mradi wa maji wa kijiji cha Tingi.

Wananchi hao wakiongozwa na Mh Rainard Kimwaga Diwani wa kata ya Tingi wametoa pongezi zao kwa Mh Dkt Samia Suluhu Hassan, Rais wa Jamhuri ya Muungano wa Tanzania na Mbunge wa Jimbo la Nyasa Mhandisi Stella Manyanya kwa juhudi wanazozionesha za kuwaletea wananchi wa Tingi maendelea na huduma mbalimbali karibu yao.

Wananchi wameahidi kuakikisha wanasimamia na kulinda miundombinu ya maji hiyo kwani ni mkombozi kwao na nimaendeleo katika Kata ya Tingi.

Mradi huo ni sehemu ya ukamilishaji wa mradi wa maji wa vijiji viwili vya Malungu -Tingi wenye thamani ya Tsh 1,222,759,056.67/=.