Wanafunzi wa Vyuo vya Ufundi Stadi VETA watakiwa kuwa waaminifu na waadilifu DC Nyasa

Posted on: August 24th, 2024

Mkuu wa Wilaya ya Nyasa Mhe. Peres  Magiri, amewataka wanafunzi wa Chuo cha Ufundi Stadi VETA Nyasa kusoma kwa bidii, na kuwa waamifu na waadilifu. Ameyasema hayo, tarehe 23-08-2024 wakati akizungumza na wanafunzi katika Ukumbi wa Chuo hicho, alipofanya Ziara ya kikazi ya Siku moja ya kutembelea na kukagua Chuo cha ufundi tadi VETA na kusikiliza na kutatua kero za Chuo hicho..

Akizungumza na wanafunzi na watumishi Mhe. Magiri amewataka wasome na wajifunze kuwa waaminifu na waadilifu  kwa kuwa,Kazi zipo nan i nyingi katika jamii zetu.

“kazi ziko nyingi,mfano kuna fani ya ujezenzi hapa na watu kila siku watu wanajenga Nyumba hivyo in ategegemea ni jinsi gani umejipanga na unafanyaje kazi,kama ukiwa mwaminifu,mkweli na muadilifu kamwe hutatamani kuajiriwa utafanya kazi mpaka zingine unakataa”

Ameongeza kuwa Serikali imejipanga kutoa fani mbalimbali katikaVyuo vya VETA ili kila mhitimu awe na uwezo wa kujiajiri badala ya kutegemea ajira za Serikali,hivyo amewataka kusoma kwa bidii n kuwa waaminifu katika kazi zao.

 Aidha ametoa wito kwa wazazi ,walezi wa Wilaya ya Nyasa, kuwaleta vijana katika chuo cha Veta Nyasa ili wapate ujuzi ambao atauhitaji na ataweza kujiajiri ili kujiletea maendeleo.

“Nitakuwa Balozi wa Hiki chuo hivyo katika mikutano yangu ya hadhara kwa kwa kila kijiji nitahamasisha wanachi kuwaleta vijana ili wajipatie ujuzi kwa maendeleo n kuweza kujiajiri.Ameahidi kutatua mchangamoto zilizopo katika cho hicho.

Wanafunzi wa Chuo hicho wameema watakuwa waaminifu na waadilifu na wamemuomba Mkuu wa wilaya ya Nyasa endapo ikitokea fursa ya kazi awakumbuke kwa kuwa ni wataalam wazuri wanaonolewa katika chuo chake.

Awali Mkuu wa Chuo cha Ufundi VETA Nyasa Lulu Chilumba amemshukuru Mkuu wa Wilaya ya Nyasa kwa kutembelea na kukagua miundombinu ya chuo hicho.

.