WAKUU WA IDARA NA VITENGO NYASA KUTOA ELIMU KWA RADIO UNYANJA FM

Posted on: August 28th, 2019

MkurugenziMtendaji wa Halmashauri  ya Wilaya ya Nyasa Bw Jimson Mhagama amewaagiza wakuu wa idara na Vitengo kutoa elimu na kusikiliza kero mbalimbali za wananchi kwa kutumia Radio Unyanja fm  ili kupunguza kero na kuwaelimisha wananchi juu ya kazi zao wanazotekeleza katika Idara na Vitengo wilayani hapa.

Ameyasemahayo hivi karibuni wakati akiwaagiza kuandaa  vipindi vya Radio Unyanja fm vitakavyorushwa Mubashara Kila siku ya Jumanne na Alhamisi saa tatu hadi saa nne asubuhikipindi kitakachojulikana kwa jina la “Tufahamishe”.

Bw Mhagama amefafanua kuwa lengo la wakuu wa Idara na vitengo kutoa elimu kwawananchi ni kuhakikisha kuwa wanazungumza na wananchi ili kutoa elimu kwa kila idara husika na kuwapa ufahamu wananchi ili waijue vema Halmashauri na kila mwananchi akiwa na shida ajue anatakiwa kwenda katika ofisi ipi.

Aliongeza kuwa kwa kufanya vipindi hivyo vitasaidia kupunguza kero kwa wananchi na kuwana uhusiano mzuri kati ya Halmashauri na wananchi, na wananchi watapata fursa ya kuuliza maswali na kujibiwa mubashara wakati wa kipindi.

Aidha ametoa wito kwa wakazi wa Nyasa kusikiliza kwa umakini kipindi hicho cha “Tufahamishe”chenye kauli mbiu ya “Nyasa Tunatekeleza” kinachoandaliwa na Halmashauri yaWlaya ya Nyasa kwa kushirikiana na Radio Unyanja fm Kila siku ya Jumanne naalhamisi saa tatu mpaka saa 4 asubuhi kila wiki.