WAKULIMA wa Kahawa wampongeza DED Nyasa

Posted on: February 4th, 2022

Wakulima wa zao la Kahawa Wilayani Nyasa wamempongeza Mkurugenzi Mtendaji wa Halmashauri ya Wilaya ya Nyasa Ndugu Jimson Mhagama kwa kutatua changamoto za kilimo cha zao hilo na Kuwahamasisha kulima zao la kahawa na kuuza katika Vyama vya ushirika  hali inayowapa kipato bora.

Wakulima wa Kata ya Kingerikiti, Luhangarasi, na Mpepo wamesema hayo katika Mikutano ya Vyama vya  Msingi vya mazao na masoko (AMCOS) katika mikutano iliyofanyika ya malipo ya kahawa ya msimu wa pili Wilayani hapa.

Wakulima hao wamefafanua kuwa wanampongeza mkurugenzi kwa kwa kutatua Changamoto za kilimo, na kuwahamasisha kulima kilimo cha kisasa chenye tija kinachowapa mafanikio Makubwa ambayo ni, mafunzo ya kilimo bora ya kahawa,Mbegu bora za kisasa, Pembejeo wanapata kwa  wakati na Soko la uhakika  nje ya nchi  bila kwenda mnadani hali inayowapa kipato cha uhakika tofauti na hapo awali.

Wameongeza kuwa mafanikio waliyopata msimu huu ni Bei ya Kahawa kupanda na kufikia wastani wa Tsh 350,000 kwa gunia na kununua vyombo vya usafiri, magari na pikipiki na wameweza kuimarisha uchumi wao.