WAGANGA wafawidhi Nyasa Wapewa mafunzo ya Kuzuia Rushwa, Utawala Bora

Posted on: January 24th, 2023

Halmashauri ya Wilaya ya Nyasa Tarehe 24/01/2023 inatoa mafunzo ya siku mbili kwa Waganga wafawidhi wa Vituo vya kutolea huduma za Afya, yenye lengo la kuwajengea uwezo wa kuzuia Rushwa na kusimamia mapato, na nidhamu kwa watumishi.

Mafunzo hayo ya Siku mbili yanatolewa katika Ukumbi wa Hospitali ya Wilaya ya Nyasa iliyopo katika Kijiji cha Nangombo Wilayani Nyasa.

Akifungua Mafunzo Hayo Mwenyekiti wa Halmashauri ya Wilaya ya Nyasa Mh.Stewart Nombo amewataka waganga hao  kuzingatia mafunzo hayo yanayolenga kuboresha utoaji wa Huduma za afya bora kwa wananchi wa Wilaya ya Nyasa, ili kuepuka malalamiko kutoka kwa wananchi.

Ameongeza kuwa Lengo la mafunzo hayo ni kutoa elimu ya Kuzuia Rushwa matika maeneo yao, kuboresha huduma katika Vituo vya kutolea huduma za afya, na kituo kujiendesha kwa mapato ya Ndani, na kusimamia Utawala bora katika Vito vyao.

“Niwatake waganga wafawidhi wa Vituo vyote vya afya  Wilayani Nyasa, kuzingatia mafunzo haya ambayo mtapewa yatatusaidia kuboresha utendaji kazi katika kuzuia Rushwa, na kuongeza ufanisi wa utoaji huma ya afya ambayo ni Sekta muhi katika Ustawi wa jamii”.

Akiwasilisha mada ya Kuzuia Rushwa, Kamanda wa Taasisi ya Kuzuia na Kupambana na Rushwa TAKUKURU Dioniz Slvanus amewataka waganga Wafawidhi Wilayani Nyasa kufuata taratibu na misingi ya kazi zao ili kutoa huduma bora kwa wananchi.

Ameongeza kuwa Taasisis yao imejipanga zaidi kuzuia Rushwa Wilayani hapa kwa kutoa elimu kwa Viongozi na wananchi ili wazuie Rushwa na huduma bora itolewe kwa wananchi.

Mafunzo haya ni ya siku mbili yaliandaliwa na Mkurugenzi Mtendaji wa Halmashauri ya Nyasa ili kuwajengea uwezo waganga hao.

Imeandaliwa na

Netho c.Sichali

Afisa Habari,(W) Nyasa 0767417597