Wafanyakazi wa Benki ya CRDB Tawi la Nyasa watoa Vifaa vya Usafi

Posted on: July 26th, 2023

Wafanyakazi wa Benki ya CRDB Tawi la Nyasa wametoa mifagio kumi yenye thamani ya TSH laki moja Kwa wananchi wakazi wa Kata ya Mbamba bay Wilayani Nyasa Kwa ajili kuunga mkono juhudi za wananchi, kuuweka mji wa Mbamba bay katika Hali ya Usafi. Makibidhiano hayo yamefanyika katika Benki hiyo tarehe 26/07/2023 na Meneja wa Benki ya CRDB Ezekia Senchuma ndiye aliyemkabidhi Mbunge wa Jimbo la Nyasa mhandisi Stella Manyanya Kwa niaba ya wananchi wa Kata ya mbamba bay. Akikabidhi Vifaa hivyo meneja Senchuma amesema wafanyakazi wa Benki hiyo wameamua kuunga mkono juhudi za wananchi wa Kata ya Mbamba bay ya kuhakikisha mji unakuwa safi wakati wote. Akipokea msaada huo Mbunge wa Jimbo la Nyasa mhandisi Stella Manyanya amewashukuru na kuwapongeza Benki ya CRDB Tawi la Nyasa Kwa kuunga mkono juhudi za kuimarisha Usafi wa mazingira na kuwaomba wadau wengine kuunga mkono juhudi za Usafi wa mazingira. Kwa upande wao wananchi wamewapongeza wafanyakazi hao Kwa kuamua kuunga mkono juhudi za wananchi. Benki ya CRDB Tawi la Nyasa ni mlezi wa kampuni ya Usafi wa mazingira katika kata ya Mbamba bay.