WAFANYABIASHARA na wananchi Nyasa waiomba serikali meli ya Mv mbeya ii

Posted on: August 24th, 2024

Wananchi na wafanyabiashara Wilaya ya Nyasa wameiomba Serikali, Meli ya Mv Mbeya ii iendelee na safari zake katika Ziwa Nyasa, ili waweze kusafirisha shehena ya mizigo iliyopo katika Bandari ya Mbamba bay, na kuruhusiwa kuuza Nchi jirani mazao ya Mahindi,Unga na Mchele.

Mwenyekiti wa wafanyabiashara bw.Seleman Ndunguru amesema hayo tarehe 23.08.2024 wakati wakiwasilisha kero kwa Mkuu wa Wilaya ya Nyasa mh. Peres Magiri Aliyefanya ziara ya kikazi katika bandari ya mbamba bay ya kusikiliza na kutatua kero za wafanyabiashara hao.

Bw ndunguru amefafanua kuwa Serikali ilisitisha safari za meli ya Mv Mbeya ii mara baada ya Bandari kujaa maji, lakini kwa sasa maji yamepungua na mizigo ya wafanya biashara iko bandarini na inatakiwa kwenda sehemu mbalimbali, wanapata changamoto kubwa ya kusafirisha mizigo kwa kuwa wanalazimika kutumia mitubwi ambayo wanakuwa hawana uhakika wa safari na mizigo yao, lakini kama meli yetu ingekuwepo tungekuwa tunasafirisha bila wasiwasi.

Ameongeza kuwa kwa sasa Nchi jirani ya Malawi wanauhitaji wa Unga wa mahindi na bei yao ni nzuri hivyo wanaomba Serikali itatue changamoto hizi ili wafanyabiashara na wananchi waweze kupata maendeleo wilani hapa.

Akijibu hoja hizo Mkuu wa wilya ya Nyasa Mhe. Peres Magiri amewapongeza wananchi na wafanyabiashara  kwa kufanya kazi kwa juhudi na ameahidi kulipatia ufumbuzi wa haraka wa kero hizo.

Aidha amesema ni kweli meli ya Mv Mbeya ii ilisimama kutokana na miundombinu ya bandari kujaa maji hivyo mawasiliano yatafanyika na muda sio mrefu Meli itaanza kazi,