WADAU WA UCHAGUZI WAPEWA MAELEKEZO NYASA

Posted on: September 23rd, 2019

Halmashauri ya Wilaya ya Nyasa  leo Septemba  23 mwaka huu,  imetoa maelakezo ya uchaguzi wa serikali za mitaa, kwa wadau mbalimbali wa Uchaguzi katika ukumbi wa Kepteni John Komba Mjini Mbama-bay Wilayani hapa.

 Akitoa maelekezo ya Uchaguzi wa Serikali za mitaa unaotarajiwa kufanyika novemba 24 mwaka huu, Msimamizi wa uchaguzi Wilaya ya Nyasa BW. Jabir Chilumba aliwataka wadau hao kuyaelewa maelekezo ya uchaguzi ikiwa ni kanuni ya uchaguzi wa serikali za mitaa,   namba tisa kifungu cha 1 na  2 chenye lengo la kuhakikisha uchaguzi unakuwa huru na haki na unafanyika kwa Amani na utulivu.

  Wadau  waliopata maelekezo,  ni  viongozi wa dini,viongozi wa vyama mbalimbali vya siasa ,na viongozi wa serikali za mitaa  waliopo madarakani.