TRA Ruvuma yakamata sukari ya Magendo,Yagawia shule 5 za Sekondari, Ruvuma

Posted on: January 25th, 2023

Mamlaka ya mapato Tanzania Mkoa wa Ruvuma Tarehe 25/01/2023 ( saa 3 asubuhi,) imegawa sukari kwa shule za Sekondari 5 za Mkoa wa Ruvuma, Sukari iliyokamatwa wakati ikiingizwa Nchini  kwa magendo wilayani Nyasa kutoka Nchi jirani ya Malawi.

Mgeni Rasmi katika zoezi la Ugawaji Sukari ni Kaimu Mkuu wa Wilaya ya Nyasa Mh Aziza Mangosongo ambaye,amegawa sukari hiyo kwa wakuu wa Shule za Mbamba bay, Kigonsera,Shule ya Sekondari ya Wavulana Songea,Shule ya Wasichana Songea,na Shule ya Sekondari Tunduru.

Akigawa Sukari hizo ameipongeza Mamlaka ya Mapato Tanzania kwa kufanya ukaguzi wa mara kwa mara wa kukagua bidhaa zinazoingia Nchini kwa magendo na kuwataka waendelee na ukaguzi huo wa mara kwamara na kuwataka Walimu kuitumia Sukari hiyo kwa ajili ya wanafunzi kamailivyopangwa.

Awali Akitoa Taarifa ya upatikanaji wa sukari hiyo ya magendo, Meneja wa TRA Mkoa wa Ruvuma bw, Nicodemus Mwakilembe amesema Sukari hiyo ilikamatwa katika sehemu iliyohifadhiwa ili isafirishwe, sehemu mbalimbali hapa nchini na imeingizwa kwa magendo kutoka Nchi ya Malawi. Amefafanua kuwa, kwa kuwa sukari ilikuwa haina vibali sharia inawataka kutaifisha na kutumiwa sehemu mbalimbali kama vile shule na mara baada ya mapendekezo ya vikao halali wameamua kugawa  katika shuleza 5 za  bweni na Kila shule imepata Mifuko 54 ya kilo 20.

Ametoa wito kwa wananchi na wafanyabiashara Mkoa wa Ruvuma kuwa TRA inafanya kazi ya kukagua mizigo biashara zote hivyo walipe kodi  ya bidhaa wanazoingiza,aidha Hatua za kisheria zitawakuta wale wote wanaoingiza mizgo kwa njia zisizo halali.

Wakuu wa shule hizo wameipongeza Serikali kwa kuwapa Sukari hiyo na kuahidi kuwa sukari itatumika kama ilivyoelekezwa.