TATIZO LA KUDURUFU KUWA HISTORIA HALMASHAURI YA WILAYA YA NYASA.

Posted on: August 30th, 2018

Halmashauri ya wilaya ya Nyasa Leo imepokea mashine ya kudurufu (Duplicating Machine) yenye thamani ya tsh  million kumi(10,000,000/=) kutoka Mradi wa  Tanzania Project ambao nia wadau wa Elimu Wilayani  Nyasa makabidhiano yaliyofanyika katika ofisi ya Elimu Wilayan hapa.

Akikabidhi mashine hiyo kwa Mkurugenzi Mtendaji Wilaya ya Nyasa,Mratibu wa  mradi wa Tanzania project Wilayani hapa Moses Katumbi,alisema kama mdau wa elimu aliona aitoe mashine hiyo kwa Halmashauri ya Wilaya ya Nyasa ili kupunguza gharama za kiutendaji kazi ikiwa ni pamoja na kurahisisha utengenezaji wa mitihani ya shule zote katika Wilaya ya Nyasa.

aliongeza kuwa kwa kuzingatia hilo mradi wa Tanzania project kwa msaada wa shule ya sekondari ya Strand iliyopo nchini Norway umeamua kununua mashine ya rudufu aina ya RISO 5030 ikiwa na uwezo wa kuzalisha nakala 130 kwa dakika moja.

Akipokea mashine hiyo Mkurugenzi Mtendaji Wilaya ya Nyasa Dkt. Oscar Mbyuzi amemshukuru mratibu wa Tanzania Project ndugu Moses Katumbi kwa jitihada zake binafsi za kuisaidia mashine hiyo Halmashauri ya Wilaya ya Nyasa ambayo ilikuwa haina mashine  na itamaliza kero ya kudurufu kazi mbalimbali za Halmashauri.

Pia alitoa wito kwa kwa jamii na makampuni mengine kusaidia kutatua changamoto zinazoikabili Wilaya ya Nyasa hasa katika sekta ya Elimu ambayo ni muhimu katika maendeleo ya jamii yoyote ile.