TAASISISI YA TANZANIA Project yatoa Msaada kwa wanafunzi waliorudi shuleni,

Posted on: March 11th, 2022

Taasisi ya Tanzania Project, yenye makao yake makuu Nchini Norway tarehe 10.03.2022 limetoa msaada wenye thamani ya tsh 5,484,000  kwa wanafunzi wa kike , waliokatishwa masomo kwa sababu mbalimbali na kurudi shule, katika Shule Ya Sekondari Kingerikiti Wilayani Nyasa.

Msaada huo umetolewa na Mkurugenzi wa Shirika la Tanzania Project, Hanne rainland na Denis Katumbi ambaye ni mwakilishi wa Taasisi hiyo Nchini Tanzania, kwa wanafunzi 18 wanoendelea na masomo katika katika shule hiyo.Msaada walioutoa ni mablanketi 18,magodoro 18 na fedha Taslim za Chakula Tsh 2,800,000.(milioni moja laki nane) na Tsh 1,800,000 kwa ajili ya matumizi yao binafsi.

Akikabidhi Msaada huo, Mkurugenzi wa shirika hilo, amesema amelazimika kutoa msaada huo ili kuwapamotisha wanafunzi hao, wawe na sehemu nzuri ya malazi na wapate chakula ili wapate hamasa ya kusoma kwa bidii, ili waweze kuwa na maisha bora na kutimiza malengo yao wayojiwekea licha ya kukatishwa masomo kwa awamu ya kwanza.

Ameongeza kuwa yeye kama Mkurugenzi wa Shirika hilo atahakikisha anafuatilia matokeo yao  na atahamasika kuona wanafaulu.

“kwa kweli kama shirika tumeona tuwasaidie magodoro,blanketi na chakula ili kuwatia moyo na msome kwa bidii ili muweze kufikia malengo yenu mliyojiwekea “

Awali akitoa taarifa ya mafanikio mwaalimu wa kituo hicho amesema kuwa wamefanikiwa kupata wanafunzi 20 na matatizo wanayoyakabili ni ukosefu wa nyumba za kuishi na umeme,ukosefu wa viti vya kusomea wakati wa usiku,magodoro na mablanketi.

Kwa upande wake  Afisa Elimu Msingi wa Halmashauri ya Nyasa Hosssain mghewa, amewataka wanafunzi hao kusoma kwa bidii ili kufikia malengo yao ya kufaulu ili kuitikia wito kwa serikali wa kuwaendeleza wanafunzi wa kike walioacha shule kwa sababu mbalimbali zikiwemo Mimba,utoro,kufiwa na wazazi na zingine nyingi.

Aidha wanafunzi hao wamesema Msaada huo umetatua changamoto ya malazi,na chakula iliyokuwa inawakabili wanafunzi hao na sasa watasoma na kufaulu vizuri