Simba na Yanga kukutana Nyasa

Posted on: April 10th, 2023

Yaliyojiri Bonanza la uhamasishaji Ujenzi wa uwanja wa kisasa  wa michezo Wilayani Nyasa.

Halmashauri ya Wilaya ya Nyasa Tarehe 10/04/2023 imefanya Tamasha kubwa la michezo lenye lengo la kuhamasisha Ujenzi wa uwanja wa michezo unaotarajiwa kujengwa ilipokuwa Kambi ya wachina karibu na uwanja wa ndege Wilaya ya Nyasa.

Mgeni rasmi katika bonanza Hilo ni Mkuu wa Wilaya ya Nyasa mh.Filbetho Sanga.

Shughuli ya kwanza iliyofanyika katika uwanja huo ni kufanya usafi kufyeka nyasi na kuchimbua visiki.

Mara baada ya kukamilisha zoezila usafi wa mazingira Mkuu wa Wilaya ya Nyasa mh.Sanga akizungumza na wananchi waliohudhuria Kwanza aliwashukuru Kwa kushiriki shughuli hizo.

Pia amewaambia wakazi wa Nyasa lengo la kuwa na uwanja wa michezo Wilayani Nyasa ni kuibua vipaji vya michezo vilivyopo nyasa,na kutangaza Utalii uliopo Wilayani Nyasa Kupitia timu za Simba na Yanga ambazo zitafika kuweka Kambi Wilayani Nyasa na timu zingine kutoka nchi jirani za Malawi msumbiji.

Amewataka wananchi kushiriki kazi mbalimbali za Ujenzi wa uwanja wa michezo Kwa kuwa ni fursa.

Ameongeza kuwa Wilaya ya Nyasa imefunguka mara baada ya kukamilisha Kwa Barabara ya Mbinga Hadi Mbamba bay kiwango Cha lami na Ujenzi wa Bandari ya MBAMBA BAY ambayo inatarajia kufungua fursa katika nchi ya Tanzania Malawi msumbiji.

Amempongeza Rais Samia Suluhu Hassan Kwa juhudi zake za kuiletea Maendeleo Wilaya ya Nyasa.

Aidha amempongeza mbunge wa Jimbo la Nyasa mhandisi Stella Manyanya Kwa kuhamasisha Maendeleo Wilayani Nyasa.

Michezo ya kukimbizwa kuku Kwa wazee ilifanyika na washindi kupatikana waliozawadiwa kuku na mchezo wa kuvuta kamba kati ya watumishi wa Halmashauri ya Wilaya ya Nyasa na Bodaboda fc wa Wilaya ya Nyasa na Bodaboda waliibuka washindi.

Mwisho bonanza Hilo lilimalozika katika uwanja wa michezo s/m Kilosa Kwa mpira wa Pete uliowakutanisha Timu ya Sido na timu ya Mbamba bay umoja wa vijana na Sido waliibuka kidedea Kwa kuwachapa timu ya umoja wa vijana CCM magoli 25-5.

Kwa upande wa timu za mpira wa miguu timu ya Bodaboda imeibuka kidedea Kwa kuwachapa timu ya watumishi Halmashauri ya Wilaya ya Nyasa Kwa penati magoli 7-6 na kupata zawadi ya jezi.