Shule zote zitoe chakula Cha mchana-Ded Nyasa

Posted on: July 31st, 2023

Halmashauri ya Wilaya ya Nyasa tarehe 31/07/2023 imefanya kikao Cha tathimini ya mkataba wa lishe ngazi ya Halmashauri kajadili taarifa za mwezi April-June 2023.

Kikao Kimefanyika katika Ofisi Mkurugenzi Mtendaji wilaya ya Nyasa na kuongozwa na Mkurugenzi Mtendaji wilaya ya Nyasa Bw.Khalid Khalif.

Akizungumza katika kikao hicho amewataka wazazi/walezi wa Halmashauri ya Nyasa kuhakikisha wanafunzi wanakula mashuleni ili waweze kusoma Kwa bidii na kuwa na afya bora.

Ameongeza kuwa licha ya kutoa elimu na kuhamasisha wanafunzi kupata chakula shuleni kama mkataba wa lishe ulivyosema Bado kata 4 kati ya 20 hazitoi chakula Kwa wanafunzi na kuzitaja kata hizo kuwa ni lituhi, Mipotopoto, Mbamba bay na mbaha.

Amewataka wajumbe kushirikiana na kuhakikisha huduma ya chakula inatolewa.

Awali akiwasilisha mafanikio yaliyopatikana Kwa  robo hii Afisa lishe wa Halmashauri ya Wilaya ya Nyasa Teddy amesema Idara mtambuka zinaonyesha ushirikiano mzuri katika suala la lishe,na kuwa na mwelekeo chanya wa kutoa fedha za kutekeleza shughuli za  lishe Kwa wakati.

Wajumbe wamekubaliana kuhamasisha jamii juu ya umuhimu wa lishe Bora.