SHAMBA la miti Mpepo lachangi miradi ya maendeleo Kata ya Mpepo

Posted on: November 10th, 2021

Wananchi wa Kata ya Mpepo Wilayani Nyasa, wanajivunia uwepo wa Shamba la miti Mpepo kwa jinsi linavyosaidia kutatua changamoto za miradi ya maendeleo, na Miundombinu mbalimbali.

Shamba la miti mpepo ni miongoni mwa Mashamba 23 ya miti inayosimamiwa na kuhudumiwa na wakala wa huduma za misitu Tanzania (TFS), Chini ya Wizara ya maliasili na utalii ambalo lilianza mwaka wa fedha 2017/2018 ilikuwa na ukubwa wa hekta 3,905 ambazo zote zipo wilayani Nyasa.

Meneja wa Shamba la Miti Mpepo Magayane Manumbu amesema,Kutokana na juhudi mabalimbali za menejimenti ya shamba kwakushirikiana na serikali za vijiji, wilaya na mkoa zinazofanyika za kupata maeneo mapya kutoka kwa wananchi,eneo la shamba kwa sasa ni takribani hekta 20905.ambazo zipo wilaya ya Nyasa ,Songea,na Namtumbo.

 Kupitia shamba la Miti ya mbao mpepo wananchi na jamii kwa ujumla katika maeneo hayo wanapata faida mbalimbali, ambazo zinawaletea maendeleo ya kijamii. Kupitia shamba la miti  mpepo  wananchi wa vijiji vinavyozunguka eneo hilo pamoja na wa mikoa mingine kutoka Tanzania , wanapata Ajira za kudumu na za muda takribani 500 kwa mwaka.

Shamba limetoa Elimu ya misitu kupitia kitengo chake cha uenezi pamoja na njia bora ya namna ya kuanzisha shamba la miti  ya kibiashara na utunzaji wa miti hiyo, kwa wananchi wa vijiji vinavyozunguka shamba na taasisi kama vile kanisa na shule za msingi na sekondari.

 Pia Shamba hilo limechangia kuboresha miundombinu ya barabara katika kijiji cha lusewa kwa kukwangua  barabara yenye urefu wa mita 10 pamoja na ujenzi wa culverts kwenye maeneo muhimu yaliyokuwa hayapitiki kipindi cha masika.

Shamba ya  miti mpepo , limetoa mabomba ya maji   33 katika kijiji cha mtetema na  secondari ya mhandisi Stella Manyanya , pia limetoa mabati 60 kwa ajili ya kijiji cha mtetema, shamba limetoa  Saruji mifuko 60 kwaajili ya shule ya msingi kihurunga. Lakini pia shamba limetoa viriba kilo 40, na mbegu za miti kilo 42 kwaajili ya vijiji vya lunyele, kihurunga, mtetema na mpepo.

Baada ya wananchi hao kupata faida za Shamba la miti Mpepo wamehamasika kulitunza shamba hilo kwa kuzuia uchomaji moto kiholela lakini kupanda miti katika maeneo yao jambo ambalo litawapa faida ya kuongeza  kipato cha familia na Taifa kwa Ujumla.

Meneja wa Shamba la Miti, magayane ametoa wito kwa wananchi wa Wilaya ya             Nyasa na Mkoa wa Ruvuma kwa ujumla kupanda miti ili kutunza mazingira na hapo baadae kijipatia kipato.