SERIKALI yatoa tsh Bilion 60 kujenga barabara ya lami Likuyufusi-Mkenda

Posted on: January 18th, 2023

SERIKALI ya Awamu ya Sita inayoongozwa na Rais Dkt Samia Suluhu Hassan imetoa shilingi bilioni 60 kuanza ujenzi barabara ya lami kilometa 60 kutoka Likuyufusi  Kwenda Mkenda Wilaya ya Songea mkoani Ruvuma.

Barabara hiyo ni ya mpakani mwa Tanzania na Msumbiji yenye urefu wa kilometa 124 ambayo ina Kwenda hadi katika daraja la Mkenda Mto Ruvuma mpakani mwa Tanzania na Msumbiji.

Meneja wa TANROADS Mkoa wa Ruvuma Mhandisi  Ephatar Mlavi amesema serikali kwa kuanzia inatekeleza mradi huo kwa kilometa 60  kuanzia  Likuyufusi Manispaa ya Songea hadi Mkayukayu Halmashauri ya Wilaya ya Songea.