SATF wametembelea Club za Tuwalinde watoto

Posted on: September 30th, 2021

 SATF Tuwalinde Watoto club, leo septemba 29,2021 wametembelea miradi mbalimbali walioifanya wilayani Nyasa ,kwa lengo la kufahamu utendaji kazi wa miradi hiyo na changamoto na faida walizopata ndani ya mradi huo.

Vituo walivyotembelea ni pamoja na shule ya msingi kilosa, na shule ya msingi Mbamba bay,pamoja na baadhi ya wajasiriamali wadogowadogo walio jiandikisha na kunufaika na club hiyo ya SATF tuwalinde

Mwalimu Mkuu wa shule ya msingi kilosa Sabinus Mbele, ambaye ndio mwendeshaji wa club  ya tuwalinde watoto wetu amesema kuwa anawashukuru SATF pamoja na Serikali ya Marekani kwa kuleta mradi huu,kwa sababu kabla ya mradi huu watoto walikuwa watoro hawahudhurii darasani, pia maendeleo yao yalikuwa mabovu, lakini baada ya mradi huu maendeleo yamekuwa mazuri, watoto wanakuja darasani  na vitendea kazi walivyopewa na mradi huu, kama vile daftari, peni, kalamu,mabegi pamoja na huduma ya bima ya  afya kwa ajili ya matibabu.

Aidha Mwanafunzi  ambaye pia ni mwenyekiti wa club hiyo Magreth Komakoma, amesema kuwa kupitia club hii wamepata vitambaa vya kike, ambavyo  wanatumia wakati wakiwa kwenye siku zao. imewafanya watoto wa kike kusoma vizuri bila wasiwasi na kujiamini, pia kuendelea vizuri zaidi na masomo yao,kwa sababu awali kabla ya club hiyo, walikuwa wanachelewa vipindi darasani kutokana na hali hiyo ,hivyo ameishuruku SATF na kuwasisitiza waendelee na mradi huo ili kuwasaidia watoto mashuleni.

Naye mkazi wa kata ya kilosa Bi Veronica Ikombola, amesema  SATF imenipatia mkopo wa shilingi elfu hamsini, ili aweze kukabiliana na hali ya maisha  pamoja na kuwalea wajukuu wake, Mtaji ambao amepata ameanzisha biashara ya kufuma kofia za uzi ,bebishoo za watoto,masweta pamoja na soksi,namshuru Mungu biashara yangu inalipa na kofia moja kwa uku kijijini kwetu tunauza hadi shilingi elfu kumi, hela anayopata anaendelea  na biashara ya uchuuzi wa dagaa .

Wakati huo huo Afisa maendeleo ya jamii  Wilayani hapa, Frida  Mbele, amesema  anawashukuru uongozi wa SATF kwa kutoa huduma wilayani hapa, katika makundi maalum, ikiwemo watoto wanoishi mazingira hatarishi.

Mradi huu katika wilaya ya Nyasa umetekelezwa katika kata tano ambazo ni Mbamba Bay,Kilosa Tingi na Lumeme.watoto walionufaika na mradi huu ni 80 ambao wapo katika kaya 40.vitu walivyonufaika navyo kwa watoto wa shule ni uniform,karamu,peni,madaftari,mabegi pia pamoja vikundi mbalimbali, ambavyo viliundwa na wazazi ambao wanawatoto wanaoishi mazingira hatarishi na vikundi hivyo vinatambulika,pia tumepata baiskeli nne ambazo zinatumika na wasaidiz wa jamii wanaopita kutoa elimu.

Ametoa wito kwa shirika la SATF tuwalinde,pamoja na serikali ya Marekani kuendelea kutoa misaada hii kwa familia zinazo ishi katika mazingira hatarishi, na amewaomba wananchi wa Wilaya ya nyasa, kuwatunza watoto vizuri na kukomesha ukatili wa watoto.

Imeandaliwa na Lilian Ngwavi

Afisa Habari nyasadc