RUWASA Nyasa yatambulisha Mradi wa maji safi na salama Kata ya Kihagara,wakazi 6000 kunufaika

Posted on: October 1st, 2022

 wakala wa maji na usafi wa mazingira Vijijini (RUWASA) Wilaya ya nyasa, imetambulisha mradi wa maji safi na Salama kwa wananchi wa Kata ya Kihagara,

Utambulisho huu umefanyika  Tarehe 30/09/2022 katika Ofisi ya Kijiji cha Mango na kuhudhuriwa na wananchi wa Kata ya Kihagara na wananchi watakaonufaika na mradi huu.

Mgeni Rasmi katika Utambulisho huu ni Kaimu Mkuu wa Wilaya ya Nyasa Mh.Aziza Mangosongo.

Akiutambulisha Mradi huu Kaimu Meneja wa RUWASA Wilaya ya Nyasa Mhandisi Jeremiah Maduhu amesema, Gharama za mradi huo ni tsh milioni 999.9 unatarajia kuhudumia wananchi zaidi ya 6000 katika Vijiji 4 vya kata ya Kihagara Wilayani Nyasa.

Amevitaja Vijiji hivyo ni Mango,Ngehe Songambele na Puulu.amemtambulisha Mkandarasi ni Phalemon contraction limited, amesaini Mkataba wa miezi sita na kazi zitakazo fanyika ni ujenzi wa Tank,ujenzi wa chanzo cha maji na Uchimbaji naulazaji mabomba km 41.7,ujenzi wa Vituo

Akiongea na wananchi  Kaimu Mkuu wa Wilaya ya Nyasa mh.Aziza Mangosongo ameipongeza Serikali kwa Kutatua Kero ya maji katika kata hiyo na amewataka  wananchi kuupokea Mradi na kutoa ushirikiano kwa wakandarasi , Aidha amewataka wakandarasi kuwapa kazi wananchi wa kata ya Kihagara na kazi ifanyike na iishe kwa muda uliopangwa

.

Diwani wa Kata ya Kihagara Mh. George Ndimbo ameishukuru Serikali kwa Kutekeleza mradi huu kwa kuwa kata hiyo ilikuwa na uhitaji mkubwa wa maji safi na Salama.

wakala wa maji na usafi wa mazingira Vijijini RUWASA Wilaya ya nyasa kwa Kipindi cha miaka 2 imetekeleza miradi 9 mikubwa iliyotatua kero ya maji katika Wilaya ya Nyasa,miradi hiyo ni Mradi wa maji Lundo Group,Likwilu,Kwambe Matenje,Chimate,Mingohi,Upolo,Mtipwili,Ngingama,na Litolomero.