RAIS SAMIA AMWAGA MAMILIONI YA EDHA KUIMARISHA SEKTA YA AFYA NYASA DC

Posted on: June 28th, 2025

Na Byarugaba Innocent, Nyasa 

Rais wa Jamhuri ya Muungano wa Tanzania Mhe. Dkt. Samia Suluhu Hassan ameidhinisha kiasi cha fedha shilingi 798,894,692.68 kwa ajili ya kujenga miundombinu mipya ya sekta ya afya pamoja na kukarabati ya zamani ili iendelee kuwanufaisha wananchi 191,193 wa wilaya ya Nyasa na Wilaya jirani za Mbinga Mji na Vijijini

Mapokezi ya fedha hizo yamebainishwa na kaimu Mkuu wa divisheni ya Mipango na uratibu Aliko Anthony Mwabukusi na kwamba maeneo yote ya ujenzi, ukamilishaji na uboreshaji yameanishwa tayari kwa utekelezaji

Mkurugenzi mtendaji wa Halmashauri ya Wilaya ya Nyasa Khalid Khalif amemshukuru, kumpongeza na kumwombea afya njema Rais wa Jamhuri ya Muungano wa Tanzania Mhe. Dkt. Samia Suluhu Hassan  kwa mapenzi yake makubwa  kwa wananchi a Wilaya ya Nyasa kwa kuendelea kuimarisha  sekta ya afya  na kwamba jukumu lililo mbele yake ni kuisimamia miradi yote iweze kukamilika kwa wakati, ubora  unaolingana na  thamani ya fedha iliyotumika ili iweze  kuwanufaisha  wananchi kwa kutatua  changamoto zao za kiafya.

“..hii ni neema  na faraja kubwa sana  kwa wananchi wa Wilaya ya Nyasa, Mhe.Rais ameendelea kutupenda na kutujali kwa kutupatia kiasi kikubwa cha fedha  kukamilisha  na kujenga miradi  mipya, jukumu letu wananchi ni kuilinda, kuitunza ili iwe kutumika  muda mrefu” amesema Mkurugenzi Khalid

Fedha zilizopokelewa zinakwenda kutekeleza  ujenzi wa zahanati ya Liweta shilingi 282,557,336.00,ujenzi wa kituo cha afya Chiwanda shilingi 250,000,000.00,ukamilishaji wa Zahanati za Mipotopoto, Mtetema na Nkaya shilingi 180,000,000.00 na uboreshaji wa Zahanati ya Litindo na kituo cha afya Liparamba shilingi 86,637,356.68