RAIS MAGUFULI AWEKA JIWE LA MSINGI LA MRADI WA UJENZI WA BARABARA YA KIWANGO CHA LAMI MBINGA MPAKA MBAMBA BAY .

Posted on: April 8th, 2019

Rais wa Jamhuri ya Muungano wa Tanzania  Dkt. John Pombe Magufuli ameweka jiwe la msingi la Ujenzi wa barabara ya kiwango cha lami kutoka Mbinga mjini mpaka Mbamba- Bay Wilayani Nyasa km 67 inayogharimu zaidi ya bilioni 134.

Akihutubia wananchi katika viwanja vya shule Sekondari Makita mjini Mbinga Rais Magufuli, alimtaka mkandarasi amalize kazi kwa wakati  kabla ya mwaka 2020 ili aje aifungue kabla hajamaliza muda wake wa Urais.

Naye Mkandarasi wa kampuni ya CHICO ameahidi kumaliza barabara hiyo ya Mbinga - Mbamba bay kabla ya mwaka 2020 kwa kuwa kaambiwa kuwa fedha ipo na yeye amejipanga kuongeza nguvu kazi na kufanya kazi  usiku na mchana.

Barabara hiyo itapunguza kero ya mawasiliano kwa wananchi wa Wilaya ya Nyasa na Mbinga na shughuli za kiuchumi hasa usafirishaji wa bidhaa na mazao ambayo kwa sasa yanasafirishwa kwa shida kutokana na ubovu wa barabara hiyo.