OFISI YA RAIS TAMISEMI KUPITIA MRADI WA BOOST YATOA MAFUNZO KUBORESHA ELIMU NYASA

Posted on: January 19th, 2025

OFISI Rais TAMISEMI kupitia Mradi wake wa BOOST Inatoa mafunzo    kwa walimu wakuu na  walimu wanaofundisha shule za awali katika shule za msingi  64 na Walimu wakuu 64 na kufanya jumla ya walimu 128 ili kuboresha elimu ya shule ya  awali  na wanafunzi wajue kusoma , kuandika na kuhesabu.

Mafunzo haya yanatolewa katika shule ya Msingi Nyasa iliyopo katka kijiji cha Kilosa Kata ya  Kilosa wilayani Nyasa.

Mratibu wa Mafunzo  Wilayani Nyasa Mwl. Godfried Mapunda Amesema lengo l mafunzo hayo ni kuwajengea uwezo walimu, ili wakawafundishe wanafunzi vizuri kwa kutumia zana bora za kujifunzia na hatimaye waweze kujua kusoma kuandika na kuhesabu pamoja na  kuipenda shule.

Ameongeza kuwa tunataka wanafunzi wa shule ya awali waweze kuipenda shule, wajue kusoma kuandika na kuhesabu ili waweze kumudu masomo ya awali.