Nyasa yazindua Maadhimisho ya Siku ya Wanawake Duniani, DC awataka wanawake kuwajali wanafunzi

Posted on: March 3rd, 2022

Halmashauri ya Nyasa Tarehe O3.03.2022 imefanya Uzinduzi wa Maadhimisho ya Siku ya Wanawake yaliyofanyika katika Hospitali ya Wilaya ya Nyasa iliyopo katika  Kijiji  cha Nangombo, Kata ya Kilosa Wilayani hapa.

Akiongea wakati wa Uzinduzi, Mkuu wa Wilaya ya Nyasa Kanali Laban Thomas ambaye ni Mgeni rasmi amewataka wanawake Wilayani hapa, kusheherekea sikukuu hiyo wakiwa wanajitafakari jinsi gani wanawasaidia watoto wa kike ili watimize ndoto zao,, hasa katika masomo.

Kanali Thomas amefafanua kuwa kuwa wanawake wengi wanasheherekea sherehe hizi kwa kujiangalia wenyewe, wanakumbana na matatizo gani lakini kwa mwaka huu, amewataka washeherekee zaidi kwa kuwajali wanafunzi wa kike na kusaidia kutatua changamoto zinazowakabili katika maisha ya kila siku Hususani upatikanaji wa taulo za kike katika shule za msingi na Sekondari.

“Nachukua Fursa hii kuwapongeza wanawake wa wilaya hii kwa kusheherekea sikukuu hii ya Wanawake lakini kwa mwaka huu tusheherekee kwa kuwaangalia watoto wa kike wanatimiza vipi malengo yao hasa katika kutimiza ndoto zao hasa za Elimu”

Aidha amefanya harambee ambayo zaidi ya Shilingi Laki Mbili zimepatikana na zitatumiwa kununua Taulo za kike kwa ajili ya wanafunzi wa shulke za Sekondari Wilayani hapa.

Uzinduzi umefanyika sambamba na kufanya shughuli mbalimbali za kugawa misaada kwa akina mama wajawazito na Waliojifungua katika Wodi ya wazazi katika Hospitali ya Wilaya ya Nyasa,kupanda miti na  kufanya usafi wa mazingira.

Vifaa walivyopewa wagonjwa ni sabuni,kofia za watoto,sabini za kufulia,kudekia mafuta ya kupaka navifaa vya kudekia.

Aidha kuelekea kilele cha sherehe hizo zitakazofanyika Halmashauri ya Madaba Wilaya ya Songea Tarehe 08.03.2022 Bado shughuli mbalimbali zitaendelea kufanyika Wilayani hapa, ikiwa ni pamoja na kutoa misaada kwa wagojwa, na wahitaji na makundi maalum majumbani, kuona watoto yatima wanaolelewa katika Kituo cha St Vicent Mbinga, na kutoa Elimu kwa wanafunzi wa kike wa Sekondari Mbamba bay.