NYASA yakamilisha kutoa mafunzo kwa wataalam wa kisekta,Ajira za muda TASAF

Posted on: April 25th, 2022

Halmashauri ya Wilaya ya Nyasa Tarehe 25.04.2022, imemaliza kutoa mafunzo  kwa Wataalam wa Kisekta yenye lengo la kuwajengea Uwezo wa Uibuaji wa Miradi ya Ajira ya Muda  kwa walengwa, chini ya Mpango wa kunusuru kaya maskini TASAF Awamu ya Tatu kipindi cha pili, na Uendelezaji wa Miundombinu kwa Wilaya ya Nyasa.

Mafunzo hayo yamefanyika, katika Ukumbi wa Kepten John Komba ,Mbamba bay Wilayani Nyasa, na kushirikisha Washiriki 46 kwa siku sita, kutoka Sekta za kilimo ,Maji,maendeleo ya Jamii,misitu ,Mifugo , Uvuvi, maji, barabara.

Akifunga Mafunzo hayo Mkuu wa Wilaya ya Nyasa Kanali Laban Thomas, amewataka washiriki kwenda kutumia  mafunzo waliyopewa, kuwaelimisha wananchi,na kuibua miradi itakayoinufaisha jamii na kuondokana na Umaskini.

Ameongeza kuwa wananchi wanahitaji wapewe elimu nzuri, ili waweze kuibua miradi itakayowapa maendeleo na Washiriki kikamilifu, kuwapa elimu wananchi kuibua miradi na kuiendeleza miradi hiyo, ili  kutokomeza  umaskini.

Awali akitoa Taarifa ya Mafunzo hayo kwa niaba ya Mkurugenzi Mtendaji wa TASAF Bw Ladislaus Mwamanga, Mwezeshaji Dismas John amesema washiriki wamepata mafunzo ambayo yamewaandaa,  kuibua,kuandaa, kutekeleza na kusimamia  Miradi ya kutoa ajira za muda kwa Walengwa wa TASAF, ili kuhakikisha uandaaji na utekelezaji wa miradi unazingatia viwango vya kisekta na ubora unaokubalika.

Aidha amesema, Lengo la Miradi ya kutoa ajira za Muda inalenga kutoa ajira kwa kaya maskini wakati wa kipindi cha hali ya wanakaya hao, wasiwaze kuuza raslimali walizonazo kwa ajili ya kupata fedha, kuwezesha Miundombinu ya jamii, kuwezesha ujira wa kaya utakaowasaidia kuongeza kipato na kupunguza Umaskini.Walengwa watakaoshiriki utekelezaji watapata Ujuzi kupitia Miradi itakayotekelezwa na sifa ya kaya zitakazoshiriki utekelezaji wa miradi hii ni zenye watu wenye uwezo wa kufanya kazi na wenye umri wa kuanzia miaka 18 hadi 65.

Kwa Upande wao Washiriki wa mafunzo hayo wamesema watatumia mafunzo hayo kuibua miradi itakayowapa ajira walengwawa TASAF.

IMEANDALIWA NA

Netho Sichali

Afisa Habari Nyasa dc.