Nyasa yaadhimisha sikukuu ya muungano Kwa kufanya shughuli mbalimbali

Posted on: April 27th, 2023

Wilaya ya Nyasa imeadhimisha sikukuu ya miaka 59 ya MUUNGANO WA Tanganyika na Zanzibar, Kwa kupanda miti Hospitali ya Wilaya ya Nyasa.

Mkuu wa Wilaya ya Nyasa Mh.Filberto Sanga amewaongoza wananchi na watumishi kupanda miti katika eneo la hospitali ya Wilaya iliyojengwa Kijiji Cha Nangombo Wilayani Nyasa.

Akizungumza na wananchi na watumishi walioshiriki amesema lengo la kupanda miti hiyo ni kuadhimisha miaka 59 ya muungano Kwa kufanya shughuli mbalimbali za kijamii.

Wilaya ya Nyasa inaadhimisha siku ya Leo Kwa kuwa kulikuwa na ujio wa Mwenge wa UHURU.

Amewataka wananchi kuendelelea kitunza mazingira Kwa kupanda miti ili kuenzi muungano.

Aidha amesema matumizi ya fedha ya aina Moja,lugha ya kiswahili ni Moja ya matunda ya muungano.