Nyasa yaadhimisha sikukuu ya Mtoto wa Afrika

Posted on: June 16th, 2023

1. YALIYOJIRI, Maadhimisho ya Siku ya Mtoto wa Afrika Wilayani Nyasa.

Wilaya ya Nyasa tarehe 16/06/2023 imeadhimisha sikukuu ya Mtoto wa Afrika, maadhimisho yaliyofanyika katika viwanja vya mikutano Kijiji Cha Chiulu Kata ya Mtipwili Wilayani Nyasa.

Mgeni rasmi katika Maadhimisho hayo ni Mkuu wa Wilaya ya Nyasa Mh.Filberto Sanga.

Akizungumza na wananchi, watoto waliohudhuria amewataka wananchi kulinda Haki za watoto Kwa kuzingatia usalama wap na kutowafanyoa vitendo vya ukatili pamoja na kuwapa Haki zao ikiwa ni pamoja na kuwapa huduma za afya,Elimu na chakula.

Amesema Wilaya ya Nyasa imeboresha huduma za afya Kwa kujenga Zahanati, vituo vya afya na Hospitali ya Wilaya ya Nyasa Kwa lengo la kuboresha upatikanaji wa huduma za afya.

Ameongeza kuwa upatikanaji wa huduma za elimu Serikali imejenga na kuboresha madarasa , hivyo Kila mzazi anatakiwa kuhakikisha watoto wanapata huduma Bora za Afya na Elimu.

Amewataka watoto,majirani kuwa walinzi wa watoto na kuhakikisha wanatoa taarifa , Kwa viongozi wa vijiji kata Halmashauri na Wilaya ili kuwa chukulia hatua Kali wazazi,walezi ambao hunyanyasa au kuwafanyia ukatili watoto.

Ametoa wito Kwa wanaume kwenda na wenzi wao kuanza kliniki hasa wanapokuwa wajawazito.

Awali Mratibu wa sherehe hizo Malimi Mabondo ambaye ni kaimu Mkuu wa Divisheni ya Maendeleo ya Jamii jinsia na watoto,akitoa taarifa fupi amesema lengo la maadhimisho ya sherehe hizo ni kuikumbusha jamii,kutoa elimu juu ya Haki za watoto.

Katika maadhimisho hayo watoto wameshirikishwa kikamilifu na kupewa elimi ya jinsia, Lishe, umuhimu wa Elimu,namna ya kukabiliana na ukatili na jinsi ya kutoa Taarifa.