NYASA KUFANYA MKESHA WA KULIOMBEA TAIFA AMANI , MWL. NYERERE

Posted on: October 13th, 2020

Wilaya ya nyasa leo inafanya mkesha wa kuliombea Taifa la Tanzania  liwe na amani, Mkesha utakaofanyika katika uwanja wa  Polisi Wilayani hapa.

Mkesha huu utaanza usiku wa leo, na kesho katika viwanja hivyo vya polisi kutakuwa na Hitimisho la Maombezi hayo , Mgeni rasmi akiwa Mkuu wa Wilaya ya Nyasa Bi Isabela Chilumba.

Kwa mujibu wa Mkuu wa wilaya ya Nyasa amesema Tamasha la kuombea Nchi litawakutanisha waumini wa Dini zote za Kiislamu na kikristo, pamoja na wagombea wote wa nafasi za Udiwani na Ubunge wa Vyama vyote vya Siasa Wilayani Nyasa, na maandalizi yote yamekamilika.

Amefafanua kuwa lengo la Tamasha hilo kuwa ni kuliombea Taifa ili liwe na Amani na umoja, kuombea uchaguzi Mkuu, upite kwa amani na utulivu, kuombea Elimu,na Afya kwa Watanzania, kuwaombea Viongozi wa Dini na Serikali, Uchumi na Maendeleo na Kumwombea, Baba wa Taifa Mwl Julius Kambarage Nyerere Astarehe kwa amani kwa kuwa ndiye aliyeweka misingi ya Umoja na amani wa Nchi yetu ya Tanzania.

Alitoa wito kwa wananchi wote wa wilaya ya Nyasa kujitokeza kwa wingi katika Mkesha na siku ya  kesho ya kilele cha maombezi hayo, ya octoba 14 katika viwanja vya polisi Wilayani Nyasa.